રિપોર્ટ@દેશ: આજે સુપ્રીમ કોર્ટ દિલ્હીના મુખ્યમંત્રી અરવિંદ કેજરીવાલ સાથે સંબંધિત માનહાનિ કેસની સુનાવણી કરશે.
અટલ સમાચાર ડોટ કોમ, ડેસ્ક
દેશમાં અવાર-નવાર કેટલીક ઘટનાઓ સામે આવતી હોય છે. સુપ્રીમ કોર્ટ દિલ્હીના મુખ્યમંત્રી અરવિંદ કેજરીવાલ સાથે સંબંધિત માનહાનિ કેસની સુનાવણી સોમવારે (13 મે) કરશે. કેજરીવાલે દિલ્હી હાઈકોર્ટના આદેશને પડકાર્યો હતો.
યુટ્યુબર ધ્રુવ રાઠીએ મે 2018માં એક કથિત અપમાનજનક વિડિયો સર્ક્યુલેટ કર્યો હતો. આ વીડિયોને કેજરીવાલે રિટ્વીટ પણ કર્યો હતો. તેના પર હાઈકોર્ટે કેજરીવાલને માનહાનિ કેસમાં સમન્સ પાઠવ્યું હતું. સુપ્રીમ કોર્ટમાં જસ્ટિસ દીપાંકર દત્તા અને જસ્ટિસ સંજીવ ખન્ના આ કેસની સુનાવણી કરી શકે છે. 11 માર્ચે સુપ્રીમ કોર્ટે કેજરીવાલને પૂછ્યું હતું કે શું તમે આ કેસમાં ફરિયાદીને માફ કરવા માંગો છો? 26 ફેબ્રુઆરીએ કેજરીવાલે સુપ્રીમ કોર્ટને કહ્યું હતું કે વીડિયોને રીટ્વીટ કરવો તેમની ભૂલ હતી. 5 ફેબ્રુઆરીએ હાઈકોર્ટે કહ્યું હતું કે કથિત અપમાનજનક સામગ્રી ફરીથી પોસ્ટ કરવા પર માનહાનિનો કાયદો લાગુ થશે.
યુટ્યુબર ધ્રુવ રાઠીનો વીડિયોવાળા એક ટ્વીટને રીટ્વીટ કરવા બદલ 2018માં દિલ્હીના સીએમ અને AAP કન્વીનર અરવિંદ કેજરીવાલ સામે માનહાનિનો કેસ દાખલ કરવામાં આવ્યો હતો. તે વીડિયોમાં વિકાસ સાંકૃત્યન નામના વ્યક્તિ વિશે અપમાનજનક વાતો કહેવામાં આવી હતી.
દિલ્હી હાઈકોર્ટે આ કેસને રદ્દ કરવાનો ઈન્કાર કરી દીધો હતો કે મોટી સંખ્યામાં લોકો ટ્વિટર પર કેજરીવાલને ફોલો કરે છે. તેમણે ફરિયાદી વિરુદ્ધ કરવામાં આવેલી અપમાનજનક ટિપ્પણીને તેની ચકાસણી કર્યા વિના રીટ્વીટ કર્યો અને તેને કરોડો લોકો સુધી પહોંચાડ્યો.
યુટ્યુબર ધ્રુવ રાઠીના વિડિયોને રીટ્વીટ કરવા બદલ 2018માં કેસ નોંધાયા બાદ કેજરીવાલ સામે ગુનાહિત માનહાનિનો કેસ ચલાવવામાં આવ્યો હતો. કેજરીવાલ સામે સમન્સ જાહેર કરવામાં આવ્યા હતા, જેને રદ કરાવવા તેમણે સુપ્રીમ કોર્ટનો દરવાજો ખખડાવ્યો હતો.
2018માં એક ટ્વિટમાં ધ્રુવ રાઠીએ 'આઈ સપોર્ટ નરેન્દ્ર મોદી' નામના ટ્વિટર પેજના ફાઉન્ડર અને ઑપરેટર પર BJP IT સેલ પાર્ટ-2 જેવું વર્તન કરવાનો આરોપ લગાવ્યો હતો. દિલ્હીના સીએમ કેજરીવાલે આ ટ્વીટને રીટ્વીટ કર્યું હતું.
