મિશન@દેશ: ચંદ્રયાને 2 દિવસ બાકી છે ચંદ્રની નજીક પહોચવામાં,ચંદ્રની પાસે પહોચતા દેશનું માન વધશે
ચંદ્રયાન મિશન માટે આગામી 2 દિવસ મહત્વના
![મિશન@દેશ: ચંદ્રયાને 2 દિવસ બાકી છે ચંદ્રની નજીક પહોચવામાં,ચંદ્રની પાસે પહોચતા દેશનું માન વધશે](https://atalsamachar.com/static/c1e/client/91782/uploaded/6c3462930d06039896023d4cf107d794.jpg)
અટલ સમાચાર ડોટ કોમ, ડેસ્ક
દેશના તમમાં લોકો ચંદ્રયા મિશનની સફળતાની વાટ જોઈ રહ્યા છે.તમામ લોકો ચંદ્ર મિશન સફળ થાય તેવી પ્રાથના કરે છે.સ્વતંત્રતા દિવસના એક દિવસ પહેલા 14 ઓગસ્ટે ચંદ્રયાન-3ની ભ્રમણકક્ષા ત્રીજી વખત ઘટાડવામાં આવી હતી. એટલે કે ચંદ્રયાન-3 હવે દરેક પસાર થતી ક્ષણ સાથે ચંદ્રની નજીક જઈ રહ્યું છે. તેનું દરેક પગલું ઐતિહાસિક સફળતા તરફ આગળ વધી રહ્યું છે.આ મિશન માટે આગામી કેટલાક દિવસો ખૂબ જ મહત્વપૂર્ણ છે અને સમગ્ર વિશ્વની નજર તેના પર કેન્દ્રિત છે.ઈસરો તરફથી મળેલી માહિતી અનુસાર, હવે ચંદ્રયાનની ભ્રમણકક્ષા પરિક્રમાનો તબક્કો શરૂ થઈ ગયો છે. ચંદ્રયાન લંબગોળ ભ્રમણકક્ષામાંથી ગોળાકાર ભ્રમણકક્ષામાં આવવાનું શરૂ કરી દીધું છે.ઈસરો આગામી ઓપરેશન 16 ઓગસ્ટના રોજ સવારે 8:30 કલાકે કરશે. બેંગલુરુમાં ISROના હેડક્વાર્ટરના વૈજ્ઞાનિકો ચંદ્રયાનના થ્રસ્ટરને ફાયર કરશે અને તેને 100 કિમી x 100 કિમીની ગોળાકાર ભ્રમણકક્ષામાં લાવશે. 17 ઓગસ્ટ ચંદ્રયાન-3 મિશન માટે ખૂબ જ મહત્વપૂર્ણ દિવસ છે.17 ઓગસ્ટે ISRO ચંદ્રયાન-3 ના પ્રોપલ્શન મોડ્યુલને લેન્ડરથી અલગ કરશે, ત્યારબાદ ચંદ્રયાન-3 ચંદ્રની નજીક આવશે અને 100 x 30 કિમીની ભ્રમણકક્ષામાં વધુ ઝડપ ઘટાડવાનું શરૂ કરશે. આ ભ્રમણકક્ષામાં પ્રવેશ્યા પછી, સોફ્ટ લેન્ડિંગની પ્રક્રિયા શરૂ થાય છે. 23 ઓગસ્ટે સાંજે લગભગ 5:30 વાગ્યે લેન્ડર ચંદ્રની સપાટી પર ઉતરશે.