બ્રેકિંગ@દેશ: મોસ્કોના ક્રોકસ સિટી હોલમાં આતંકવાદીએ હુમલો કર્યો, 70નાં મોત નીપજ્યા

અટલ સમાચાર ડોટ કોમ, ડેસ્ક 

દેશમાં અવાર-નવાર  કેટાલય હુમલાની ઘટનાઓ સામે આવતી હોય છે. રશિયાની રાજધાની મોસ્કોના ક્રોકસ સિટી હોલમાં થયેલા આતંકી હુમલામાં મૃત્યુઆંક 70 પર પહોંચી ગયો છે. આંકડો વધવાની શક્યતા છે. 100 થી વધુ લોકો ઘાયલ થયા છે. આ હુમલો ત્યારે થયો જ્યારે પ્રખ્યાત રશિયન રોક બેન્ડ ‘પિકનિક’ના કોન્સર્ટમાં ભાગ લેવા માટે ક્રોકસ સિટી હોલમાં લોકોની ભીડ એકઠી થઈ હતી. આ હોલમાં 6,000થી વધુ લોકો બેસી શકે છે. લડાયક પોશાકમાં ઓછામાં ઓછા પાંચ લોકો કોન્સર્ટ હોલમાં પ્રવેશ્યા અને ગોળીબાર કર્યો હતો.

આ હુમલો શુક્રવારે સાંજે (22 માર્ચ) થયો હતો. આતંકવાદી સંગઠન ISISએ આની જવાબદારી લીધી છે. આર્મી યુનિફોર્મમાં સજ્જ પાંચ આતંકવાદીઓએ અંધાધૂંધ ગોળીબાર કર્યો અને બોમ્બ ફેંક્યા. વડાપ્રધાન નરેન્દ્ર મોદીએ આ ઘટના પર શોક વ્યક્ત કર્યો છે. તેમણે કહ્યું- અમે મોસ્કોમાં આતંકવાદી હુમલાની નિંદા કરીએ છીએ. અમારી સંવેદના પીડિતોના પરિવારો સાથે છે. દુઃખની આ ઘડીમાં ભારત રશિયાની સરકાર અને લોકો સાથે ઊભું છે.

આતંકવાદી સંગઠન ISISએ અમાક ન્યૂઝ એજન્સી દ્વારા નિવેદન જારી કર્યું છે. "ઇસ્લામિક સ્ટેટના લડવૈયાઓએ રશિયાની રાજધાની મોસ્કોની સીમમાં આવેલા ક્રાસ્નોગોર્સ્ક શહેરમાં ખ્રિસ્તીઓના એક વિશાળ સભા પર હુમલો કર્યો, તેઓ સુરક્ષિત રીતે તેમના સ્થાને પાછા ફરે તે પહેલાં સેંકડો લોકોને મારી નાખ્યા અને ઘાયલ કર્યા, હુમલા બાદ આતંકીઓ સ્થળ પરથી ભાગી ગયા હતા.

બીબીસીએ પોતાના રિપોર્ટમાં એક્સપર્ટ્સને ટાંકીને લખ્યું - આ હુમલો ISISની ખોરાસન વિંગ એટલે કે ISIS-K દ્વારા કરવામાં આવ્યો હતો. ISIS-K નું નામ ઉત્તરપૂર્વ ઈરાન, દક્ષિણ તુર્કમેનિસ્તાન અને ઉત્તર અફઘાનિસ્તાનનો સમાવેશ કરતા પ્રદેશના નામ પરથી રાખવામાં આવ્યું છે.

આ સંગઠન પ્રથમ વખત 2014માં પૂર્વી અફઘાનિસ્તાનમાં સક્રિય થયું હતું. ત્યારબાદ તેમાં જોડાવા માટે રશિયન આતંકવાદી જૂથોના ઘણા આતંકીઓ સીરિયા પહોંચ્યા.

તેઓ પુતિન અને તેમના પ્રચારનો વિરોધ કરે છે. તેમનું કહેવું છે કે પુતિનની સરકાર ચેચન્યા અને સીરિયામાં હુમલા કરીને મુસ્લિમો પર અત્યાચાર ગુજારે છે. સોવિયેત યુગ દરમિયાન રશિયા દ્વારા અફઘાનિસ્તાનમાં મુસ્લિમો પર આવા જ અત્યાચારો આચરવામાં આવ્યા હતા. 

મોસ્કોના મેયર સર્ગેઈ સોબ્યાનિને કહ્યું કે ઘાયલોની મદદ માટે 70 એમ્બ્યુલન્સ ઘટનાસ્થળે મોકલવામાં આવી છે અને એક ટાસ્ક ફોર્સની રચના કરવામાં આવી છે. તેણે કહ્યું કે આ હુમલો ત્યારે થયો જ્યારે હોલમાં પ્રખ્યાત રશિયન રોક બેન્ડ પિકનિકની કોન્સર્ટ ચાલી રહી હતી.

આતંકીઓ ઓટોમેટિક હથિયારો સાથે બિલ્ડિંગના એન્ટ્રી ગેટ પર પહોંચ્યા અને ફાયરિંગ શરૂ કરી દીધું. હુમલામાં બચી ગયેલા એક વ્યક્તિના જણાવ્યા અનુસાર હુમલાખોરોએ દાઢી રાખી હતી. તેની પાસે AK શ્રેણીના હથિયારો હતા. તેઓએ મેન ગેટ બંધ કરી દીધો હતો અને નજીકથી લોકોને ગોળી મારી હતી. રશિયા પરનાં હુમલામાં યુક્રેનની સંડોવણી હોવાનો દાવો કર્યો. આના પર યુક્રેને એક નિવેદન જારી કરીને કહ્યું કે, "અમે આવા આરોપોને યુક્રેન વિરોધી ઉન્માદને પ્રોત્સાહન આપવાના રૂપમાં માનીએ છીએ. આંતરરાષ્ટ્રીય સમુદાયમાં યુક્રેનને બદનામ કરવાનો આ એક માર્ગ છે." આપણા દેશ વિરુદ્ધ રશિયન નાગરિકોને એકત્ર કરવામાં આવી રહ્યા છે.

સામે આવ્યું છે કે માર્ચની શરૂઆતમાં રશિયામાં યુએસ એમ્બેસીએ મોટા હુમલાની ચેતવણી આપી હતી. દૂતાવાસે કહ્યું હતું કે ઉગ્રવાદીઓ મોસ્કોમાં એક મ્યુઝિક કોન્સર્ટ પર હુમલો કરવાની યોજના બનાવી રહ્યા છે. એમ્બેસીએ એક એડવાઈઝરી જારી કરીને રશિયામાં હાજર અમેરિકન નાગરિકોને આગામી 48 કલાક સુધી કોઈ પણ મોટા મેળાવડામાં ભાગ ન લેવા જણાવ્યું હતુ.

જ્યારે, રશિયન રાષ્ટ્રપતિ વ્લાદિમીર પુતિને અમેરિકન દૂતાવાસ પર હુમલાની ચેતવણીની નિંદા કરી હતી. વ્હાઇટ હાઉસના રાષ્ટ્રીય સુરક્ષા સલાહકાર જ્હોન કિર્બીએ કહ્યું કે તેઓ આ સમયે વધુ માહિતી આપી શકે તેમ નથી. હુમલાની તસવીરો ભયાનક છે. 

મોસ્કોના મેયર સર્ગેઈ સોબ્યાનિને કહ્યું કે આ હુમલો ત્યારે થયો જ્યારે હોલમાં પ્રખ્યાત રશિયન રોક બેન્ડ પિકનિકનો કોન્સર્ટ ચાલી રહ્યો હતો. ઘાયલોની મદદ માટે 70 એમ્બ્યુલન્સ ઘટનાસ્થળે મોકલવામાં આવી છે અને એક ટાસ્ક ફોર્સની રચના કરવામાં આવી છે.

આતંકીઓ ઓટોમેટિક હથિયારો સાથે બિલ્ડિંગના એન્ટ્રી ગેટ પર પહોંચ્યા અને ફાયરિંગ શરૂ કરી દીધું. પ્રત્યક્ષદર્શીઓના જણાવ્યા અનુસાર હુમલાખોરોની દાઢી હતી. તેમની પાસે એકે સિરીઝનાં હથિયારો હતા. તેઓએ મેઇન દરવાજો બંધ કરી દીધો અને ગોળીબાર શરૂ કરી દીધો હતો 

ખાસ દળ, પોલીસ ટીમ ઘટનાસ્થળે પહોંચી અને ફસાયેલા 100 લોકોને બચાવ્યા. હેલિકોપ્ટરની મદદથી હોલની ઉપર લાગેલી આગને ઓલવવાના પ્રયાસો કરવામાં આવી રહ્યા છે. ઘાયલોને સારવાર માટે હોસ્પિટલમાં દાખલ કરવામાં આવ્યા છે.

રશિયન અધિકારીઓએ જણાવ્યું હતું કે મોસ્કોના એરપોર્ટ અને રેલવે સ્ટેશનો પર સુરક્ષા સઘન કરવામાં આવી છે. અન્ય મોલ અને ભીડવાળા વિસ્તારોમાં એલર્ટ જારી કરવામાં આવ્યું છે. લોકોની તપાસ કરવામાં આવી રહી છે.

ક્રોકસ સિટી હોલ 2009 માં ક્રાસ્નોગોર્સ્કીમાં બનાવવામાં આવ્યો હતો. તેમાં ત્રણ અલગ-અલગ ઓડિટોરિયમ છે. જેમાંથી એક માત્ર 7 હજાર લોકોની ક્ષમતા ધરાવે છે અને બીજામાં 4 હજારથી વધુ લોકોની ક્ષમતા છે. તેમાં 3 હજાર લોકો બેસી શકે તેવું થિયેટર પણ છે. ક્રોકસ સિટી હોલમાં વર્ષ 2013માં મિસ યુનિવર્સ સ્પર્ધાનું પણ આયોજન કરવામાં આવ્યું છે. ક્રોકસ સિટી હોલ મોસ્કો પ્રદેશમાં સૌથી મોટા અને સૌથી લોકપ્રિય સંગીત સ્થળો પૈકીનું એક છે.

રશિયામાં આતંકવાદી હુમલા

• ઓક્ટોબર 2002માં આતંકવાદીઓએ મોસ્કોના એક થિયેટરમાં લગભગ 800 લોકોને બંધક બનાવ્યા હતા. બે દિવસ પછી, રશિયન વિશેષ દળોએ 41 ચેચન લડવૈયાઓને મારી નાખ્યા. આ ઉપરાંત બંધક બનાવવામાં આવેલા 129 લોકોના પણ મોત થયા હતા.
• સપ્ટેમ્બર 2004 માં, લગભગ 30 ચેચન લડવૈયાઓએ દક્ષિણ રશિયાના બેસલાનમાં એક શાળામાં સેંકડો લોકોને બંધક બનાવ્યા. આ ઘટનામાં 330 થી વધુ લોકોના મોત થયા હતા, જેમાંથી અડધાથી વધુ બાળકો હતા.
• 2017માં સેન્ટ પીટર્સબર્ગ મેટ્રોમાં વિસ્ફોટમાં 14 લોકો માર્યા ગયા હતા. 2013 માં, સોચી ઓલિમ્પિકના બરાબર પહેલા, આત્મઘાતી બોમ્બરોએ વોલ્ગોગ્રાડમાં 34 લોકોના મોત નીપજ્યા હતા.
• 2011 માં, મોસ્કોના ડોમોડેડોવો એરપોર્ટ પર આત્મઘાતી બોમ્બર દ્વારા 30 લોકો માર્યા ગયા હતા.