રાજકારણ@દેશ: અશોક વિહારમાં જનમેદનીને સંબોધિત કરતા PM એ AAP સરકાર પર નિશાન સાધ્યું.
અટલ સમાચાર ડોટ કોમ, ડેસ્ક
રાજકારણમાં એમુક બાબતે નેતાઓ એકબીજા પર નિશાન સાધતા હોય છે. દિલ્હીમાં આગામી વિધાનસભા ચૂંટણીને ધ્યાનમાં રાખીને વડાપ્રધાન નરેન્દ્ર મોદીએ આજથી ચૂંટણી પ્રચારની શરૂઆત કરી છે. અશોક વિહારમાં જનમેદનીને સંબોધિત કરતા PM એ AAP સરકાર પર નિશાન સાધ્યું.
મોદીએ AAP સરકારને આફત સરકાર ગણાવી હતી. તેમણે કહ્યું- જે લોકો પોતાને કટ્ટર બેઈમાન કહે છે તે સત્તામાં છે. જે પોતે દારૂ કૌભાંડના આરોપી છે. તેઓ ચોરી અને ઉચાપત પણ કરે છે.
દિલ્હીની જનતા આ આફતજનક સરકારને સત્તા પરથી હટાવવાની છે. આજે દરેક શેરીઓ કહે છે કે અમે આફત સહન નહીં કરીએ, પરિવર્તન સાથે જીવીશું. પીએમએ આ ચૂંટણી માટે સૂત્ર આપ્યું હતું કે આફતને હટાવવી છે, ભાજપને લાવવી છે.
PM મોદીએ આજે દિલ્હીમાં રૂ. 4500 કરોડના અનેક પ્રોજેક્ટનું ઉદ્ઘાટન અને શિલાન્યાસ કર્યો હતો. તેમણે દિલ્હીના અશોક વિહારમાં બનેલા 1,675 ફ્લેટનું ઉદ્ઘાટન પણ કર્યું.
ગરીબો માટે નવા ઘરનું ઉદ્ઘાટન કરતી વખતે પીએમ મોદીએ કહ્યું- હું પણ કાચનો મહેલ બનાવી શક્યો હોત, પરંતુ મેં ક્યારેય પોતાનું ઘર નથી બનાવ્યું, 10 વર્ષમાં મેં 4 કરોડ ગરીબ પરિવારોને કાયમી ઘર આપ્યાં છે.
