રાજકારણ@દેશ: સંસદની સંયુક્ત સમિતિ દ્વારા વક્ફ બિલમાં ફેરફારની મંજૂરી આપવામાં આવી

અટલ સમાચાર ડોટ કોમ, ડેસ્ક 

સંસદમાં કેટલાક બીલો રજૂ થતાં હોય છે. કેટલાક બીલમાં સુધારા કરવામાં આવતા હતા. સંસદની સંયુક્ત સમિતિ દ્વારા વક્ફ બિલમાં ફેરફારની મંજૂરી આપવામાં આવી હતી. જેપીસીના અધ્યક્ષ જગદંબિકા પાલે જણાવ્યું હતું કે, આ અંતિમ બેઠકમાં તમામ 44 સુધારાઓ પર ચર્ચા કરવામાં આવી હતી. જેમાંથી NDA સાંસદના 14 સૂચનોને મંજૂરી આપવામાં આવી છે. વિપક્ષી સભ્યોએ કેટલીક દરખાસ્તો પણ રજૂ કરી હતી, પરંતુ મતદાન દરમિયાન તેને ફગાવી દેવામાં આવી હતી.

વક્ફબિલ પરની સંયુક્ત સંસદીય સમિતિ બજેટ સત્ર દરમિયાન તેનો અહેવાલ રજૂ કરવાની છે. સંસદના શિયાળુ સત્ર દરમિયાન સમિતિનો કાર્યકાળ લંબાવવામાં આવ્યો હતો. વક્ફ અધિનિયમ 1995, વક્ફ મિલકતોને નિયમિત કરવાના હેતુથી, ગેરવ્યવસ્થાપન, ભ્રષ્ટાચાર અને અતિક્રમણ જેવા મુદ્દાઓ માટે ટીકા કરવામાં આવી છે.

જેપીસીના અધ્યક્ષ જગદંબિકા પાલે બેઠક બાદ કહ્યું કે, સમિતિ દ્વારા અપનાવવામાં આવેલા સુધારા કાયદાને વધુ સારો અને વધુ અસરકારક બનાવશે. જો કે, વિપક્ષી સાંસદોએ બેઠકની કાર્યવાહીની નિંદા કરી અને પાલ પર લોકતાંત્રિક પ્રક્રિયાને નષ્ટ કરવાનો આરોપ લગાવ્યો.

ટીએમસી સાંસદ કલ્યાણ બેનર્જીએ કહ્યું કે, આ રાઉન્ડની બેઠક હાસ્યાસ્પદ હતી. અમારા મંતવ્યો સાંભળવામાં આવ્યા ન હતા. પાલે સરમુખત્યારશાહી રીતે કામ કર્યું છે. આ અંગે જગદંબિકા પાલે કહ્યું કે સમગ્ર પ્રક્રિયા લોકતાંત્રિક હતી અને બહુમતીના અભિપ્રાયને પ્રાથમિકતા આપવામાં આવી હતી.