વાતાવરણ@દેશ: હવામાન વિભાગે મધ્યપ્રદેશ અને છત્તીસગઢમાં 5 દિવસ માટે વરસાદનું એલર્ટ જાહેર કર્યું

અટલ સમાચાર ડોટ કોમ, ડેસ્ક 

હાલમાં ઉનાળાની ઋતુ ચાલી રહી છે. ઉનાળામાં પણ વરસાદ જોવા મળતો હોય છે.  હવામાન વિભાગે મધ્યપ્રદેશ અને છત્તીસગઢમાં 5 દિવસ માટે વરસાદનું એલર્ટ જાહેર કર્યું છે. આ રાજ્યોના અનેક જિલ્લાઓમાં આજે કરા પણ પડી શકે છે. તે જ સમયે, રાજસ્થાનમાં 16 મે સુધી વરસાદી સિઝન ચાલુ રહેશે.

હવામાન વિભાગે કહ્યું છે કે આજે દેશના 25 રાજ્યોમાં વરસાદ પડશે. આમાં મધ્યપ્રદેશ, છત્તીસગઢ, મહારાષ્ટ્ર ઉપરાંત પશ્ચિમ બંગાળ, સિક્કિમ, ઓડિશા, બિહાર અને ઝારખંડનો પણ સમાવેશ થાય છે. સાથે જ ઉત્તર-પૂર્વના 7 રાજ્યો પણ સામેલ છે. હવામાન વિભાગે કહ્યું છે કે વરસાદના કારણે રાજ્યોમાં હીટવેવની અસર લગભગ ખતમ થઈ ગઈ છે, પરંતુ ગરમીની અસર યથાવત છે. મધ્યપ્રદેશ, રાજસ્થાન, ગુજરાત, છત્તીસગઢ અને તેલંગાણામાં રવિવારે તાપમાન 40થી 42 ડિગ્રી વચ્ચે નોંધાયું હતું.

હવામાન વિભાગે કહ્યું છે કે રાજસ્થાન અને ઉત્તર પ્રદેશમાં 3 દિવસ પછી હીટવેવની શક્યતા છે. રવિવારે દેશમાં સૌથી વધુ તાપમાન મધ્યપ્રદેશના નર્મદાપુરમમાં 43.5 ડિગ્રી સેલ્સિયસ નોંધાયું હતું.