બ્રેકિંગ@દેશ: જમ્મુ-કાશ્મીરમાં થયેલા આતંકવાદી હુમલામાં 4 જવાન શહીદ થયા

અટલ સમાચાર ડોટ કોમ, ડેસ્ક 

દેશમાં હુમલાની કેટલીક ઘટનાઓ સામે આવતી હોય છે.  જમ્મુ-કાશ્મીરના ડોડા જિલ્લામાં આતંકવાદીઓના ગોળીબારમાં સેનાના અધિકારી સહિત ચાર જવાન શહીદ થયા છે. રાષ્ટ્રીય રાઈફલ્સ અને જમ્મુ અને કાશ્મીર પોલીસ સોમવારે મોડી સાંજથી ડોડા શહેરથી લગભગ 55 કિમી દૂર દેસા જંગલ વિસ્તારમાં ધારી ગોટે ઉરારબાગીમાં સર્ચ ઓપરેશન ચલાવી રહી હતી.

આ દરમિયાન આતંકીઓએ ગોળીબાર કર્યો હતો. જ્યારે આતંકીઓ ભાગવા લાગ્યા તો જવાનોએ તેમનો પીછો કર્યો. વિસ્તારમાં ઘનઘોર વૃક્ષોને કારણે આતંકવાદીઓ સુરક્ષા દળોને ચકમો આપતા રહ્યા. સોમવારે રાત્રે 9 વાગ્યાની આસપાસ ફરીથી જંગલમાં ગોળીબાર થયો હતો. ફાયરિંગમાં 5 જવાન ગંભીર રીતે ઘાયલ થયા છે. જેમાં આર્મી ઓફિસર સહિત 4ના મોત થયા હતા.

જમ્મુ ડિવિઝનના ડોડામાં 32 દિવસમાં આ પાંચમું એન્કાઉન્ટર છે. અગાઉ 9મી જુલાઈએ એન્કાઉન્ટર થયું હતું. અહીં 26મી જૂને એક અને 12મી જૂને બે હુમલા થયા હતા. તમામ હુમલાઓ એન્કાઉન્ટર દ્વારા અનુસરવામાં આવ્યા હતા.