વેપાર@દેશ: સેન્સેક્સ 1124 અંક ઘટ્યો અને નિફ્ટીમાં 360 પોઈન્ટનો ઘટાડો

અટલ સમાચાર ડોટ કોમ, ડેસ્ક 

શેર માર્કેટમાં સતત આઠમા અઠવાડિયે ઘટાડો રહ્યો છે. સોમવારે સેન્સેક્સ 1124 અંક એટલે કે 1.52%ના ઘટાડા સાથે 72,772 પર બંધ થયો. બીજી તરફ, નિફ્ટીમાં 360 અંક એટલે કે 1.56%નો ઘટાડો રહ્યો અને તે 22,780 પર બંધ થયો. બેન્કિંગ શેરોમાં સૌથી વધુ વેચવાલી જોવા મળી.

બજારમાં ઘટાડાનું કારણ વેચવાલી રહી. તેના કારણે રોકાણકારોની સંપત્તિ ₹7 લાખ કરોડથી વધુ ઘટી ગઈ. શુક્રવારે બજાર બંધ થયું ત્યારે BSEમાં લિસ્ટેડ કંપનીઓનું કુલ માર્કેટ કેપ લગભગ ₹482 લાખ કરોડ હતું, જે આજે ઘટીને ₹475 લાખ કરોડ રહી ગયું.