વેપાર@દેશ: અમેરિકા-ઇઝરાયલ અને ઇરાન યુદ્ધના કારણે શેરબજારમાં ઘટાડો, સેન્સેક્સ 1500 પોઇન્ટ ઘટ્યો

અટલ સમાચાર ડોટ કોમ, ડેસ્ક 

અમેરિકા-ઇઝરાયલ અને ઇરાન યુદ્ધના કારણે શેરબજારમાં આજે એટલે કે 2 માર્ચના રોજ ઘટાડો જોવા મળી રહ્યો છે. સેન્સેક્સ 1500 પોઇન્ટથી વધુના ઘટાડા સાથે 79,800ના સ્તર પર ટ્રેડ કરી રહ્યો છે. નિફ્ટીમાં પણ અંદાજે 450 પોઇન્ટનો ઘટાડો છે, તે 24,700ના સ્તર પર છે.

ભૌગોલિક રાજકીય તણાવ અને યુદ્ધ જેવી સ્થિતિમાં મોંઘવારી વધવાનો ખતરો રહે છે. આનાથી કંપનીઓનો નફો ઓછો થઈ શકે છે. આવી સ્થિતિમાં રોકાણકારો તેમના શેર વેચવાનું શરૂ કરી દે છે અને તેને સોના-ચાંદી જેવી સુરક્ષિત જગ્યાએ રોકાણ કરે છે. આનાથી બજારમાં ઘટાડો આવે છે.

ક્રૂડ ઓઇલની કિંમતોમાં તેજીના કારણે આજે એનર્જી અને ઓટો શેરોમાં વધુ ઘટાડો જોવા મળ્યો છે. બ્રેન્ટ ક્રૂડની કિંમત 10% વધીને 79 ડોલર પ્રતિ બેરલ પર પહોંચી ગઈ છે. નિષ્ણાતોનું માનવું છે કે જો આ તણાવ વધુ વધશે, તો તેલની કિંમતો 120 ડોલર પ્રતિ બેરલ સુધી પહોંચી શકે છે.

આની અસર ભારતમાં પેટ્રોલ-ડીઝલ પર જોવા મળી શકે છે. દિલ્હીમાં પેટ્રોલ ₹95 પ્રતિ લિટરથી વધીને ₹100 સુધી પહોંચી શકે છે. જ્યારે ડીઝલ ₹88 થી વધીને ₹92 સુધી જઈ શકે છે.

સોનું 5 હજાર રૂપિયા વધ્યું, 1.67 લાખ પર પહોંચ્યું

વાયદા બજાર (MCX) પર સોનું 5 હજાર રૂપિયા (3%)ના વધારા સાથે 1.67 રૂપિયા પ્રતિ 10 ગ્રામ પર કારોબાર કરી રહ્યું છે. જ્યારે ચાંદી 8 હજાર રૂપિયા (3%) વધીને 2.91 લાખ પ્રતિ કિલો પહોંચી ગઈ છે. કોમોડિટી એક્સપર્ટ અજય કેડિયાના મતે અમેરિકા-ઈરાન યુદ્ધના કારણે સોનું 1.90 લાખ રૂપિયા અને ચાંદી 3.5 લાખ રૂપિયા સુધી જઈ શકે છે.