વેપાર@દેશ: ધનતેરસ પહેલાં સોના-ચાંદીના ભાવમાં મોટો વધારો, જાણો આજનો ભાવ

અટલ સમાચાર ડોટ કોમ, ડેસ્ક 

ધનતેરસ પહેલાં સોના-ચાંદીના ભાવમાં વધારો થયો છે. ઇન્ડિયા બુલિયન એન્ડ જ્વેલર્સ એસોસિયેશન (IBJA) અનુસાર, આજે 10 ગ્રામ 24 કેરેટ સોનું 3,486 રૂપિયા વધીને 1.41 લાખ રૂપિયા પર પહોંચી ગયું છે. એક કિલો ચાંદી 7,775 રૂપિયા મોંઘી થઈને 1.84 લાખ રૂપિયા પર પહોંચી ગઈ છે.

આ વર્ષે સોના-ચાંદીના ભાવમાં સતત ઉતાર-ચઢાવ જોવા મળી રહ્યો છે. 2026માં અત્યાર સુધીમાં સોનું આશરે 8 હજાર રૂપિયા મોંઘું થયું છે. 31 ડિસેમ્બર 2025ના રોજ 10 ગ્રામ સોનાનો ભાવ 1.33 લાખ રૂપિયા હતો, જે હવે વધીને 1.41 લાખ રૂપિયા થઈ ગયો છે.

આ વર્ષે ચાંદી લગભગ 46 હજાર રૂપિયા સસ્તી થઈ છે. 31 ડિસેમ્બર 2025ના રોજ ચાંદી 2.30 લાખ રૂપિયા પ્રતિ કિલો હતી, જે હવે 1.84 લાખ રૂપિયા પર છે. આ દરમિયાન 29 જાન્યુઆરીએ સોનાએ 1.76 લાખ રૂપિયા અને ચાંદીએ 3.86 લાખ રૂપિયાની ઓલટાઇમ હાઈ સપાટી પણ બનાવી હતી.