યોજના@દેશ: આ સ્કીમમાં રોકાણ કરવાથી તમને નિયમિત વ્યાજના રૂપમાં સારી એવી રકમ મળશે

અટલ સમાચાર ડોટ કોમ, ડેસ્ક

તમે 60 વર્ષથી વધુ ઉંમરના નાગરિક છો તો આ સમાચાર તમારા માટે છે. બેંકો અને સરકારની કેટલીક બચત અને જમા યોજનાઓ તમને આમાં મદદ કરી શકે છે. આ સ્કીમમાં રોકાણ કરવાથી તમને નિયમિત વ્યાજના રૂપમાં સારી એવી રકમ મળે છે. આ સિવાય તમને ટેક્સમાં છૂટ પણ મળે છે.આવી 3 યોજનાઓ વિશે જે તમને સારી આવકની ખાતરી આપે છે.

વરિષ્ઠ નાગરિક બચત યોજના
60 વર્ષથી વધુ ઉંમરના ગ્રાહકો સિનિયર સિટીઝન સેવિંગ સ્કીમ (SCSS)માં રોકાણ કરી શકે છે. તમને જણાવી દઈએ કે આ સ્કીમમાં વ્યાજ ત્રિમાસિક ધોરણે મળે છે. જ્યારે 5 વર્ષનો લોક-ઇન પિરિયડ પૂરો થયા પછી જ તમને સંપૂર્ણ પૈસા મળે છે. આ સ્કીમમાં ગ્રાહકો ઓછામાં ઓછા 1,000 રૂપિયાથી રોકાણ શરૂ કરી શકે છે. આ સિવાય આ સ્કીમમાં તમને સેક્શન 80c હેઠળ ટેક્સમાં છૂટ પણ મળે છે.

પોસ્ટ ઓફિસ માસિક આવક યોજના
પોસ્ટ ઓફિસ માસિક આવક યોજના (POMIS) એક નાની બચત યોજના છે જેમાં ગ્રાહકો 5 વર્ષ માટે રોકાણ કરી શકે છે. અહીં તમે એક ખાતામાં વધુમાં વધુ 9 લાખ રૂપિયા અને સંયુક્ત ખાતામાં 15 લાખ રૂપિયાનું રોકાણ કરી શકો છો. આ સ્કીમમાં તમને માસિક ધોરણે વ્યાજ મળે છે.

ફિક્સ ડિપોઝિટ
જો વરિષ્ઠ નાગરિક ગ્રાહકો તેમની બચતનું રોકાણ કરીને નિશ્ચિત સમયગાળા પછી ખાતરીપૂર્વક વળતર મેળવવા માંગતા હોય, તો ફિક્સ્ડ ડિપોઝિટ (FD) સારો વિકલ્પ બની શકે છે. FD કરવા પર, મોટાભાગની બેંકો સામાન્ય રીતે FD પર આપવામાં આવતા સામાન્ય વ્યાજ દરો ઉપરાંત વરિષ્ઠ નાગરિકોને 0.50% વધારાનું વ્યાજ આપે છે. તમને માસિક, ત્રિમાસિક, અર્ધવાર્ષિક અને વાર્ષિક ધોરણે વ્યાજની રકમ મળે છે.