વાતાવરણ@દેશ: મોટાભાગના શહેરોનું મહત્તમ તાપમાન 33 થી 38 ડિગ્રી સેલ્સિયસની વચ્ચે નોંધાઈ શકે

અટલ સમાચાર ડોટ કોમ, ડેસ્ક 

 ઉનાળાની ઋતુની શરૂવાત થઇ ગઈ છે. કેટલાક વિસ્તારમાં કાળજાળ ગરમી પડી રહી છે. મધ્યપ્રદેશમાં, રવિવારે કરા, વરસાદ અને વાવાઝોડું શાંત થયું. આગામી 3 દિવસ સુધી પારો વધશે. પારો 3 થી 4 ડિગ્રી વધી શકે છે. હવામાન વિભાગના જણાવ્યા અનુસાર, નવી સિસ્ટમની અસર રાજ્યમાં 25-26 માર્ચ દરમિયાન જોવા મળશે.

ઉત્તર-પૂર્વીય પવનની અસરને કારણે, રાજસ્થાનમાં આગામી ત્રણ દિવસ તાપમાનમાં થોડો વધઘટ અને સ્વચ્છ આકાશ રહેવાની શક્યતા છે. આ દરમિયાન, મોટાભાગના શહેરોનું મહત્તમ તાપમાન 33 થી 38 ડિગ્રી સેલ્સિયસની વચ્ચે નોંધાઈ શકે છે.

ઓડિશામાં સતત ચોથા દિવસે વરસાદનું એલર્ટ આપવામાં આવ્યું છે. વરસાદ, વાવાઝોડું અને વીજળી પડવાથી અત્યાર સુધીમાં 2 લોકોના મોત થયા છે. 67 અન્ય લોકો ઘાયલ થયા હતા અને 600થી વધુ ઘરોને નુકસાન થયું હતું.