દિલ્હી: ઈદ પ્રસંગે ફરજ પર ન આવેલા 36 પોલીસકર્મીઓને DCPએ કર્યા સસ્પેન્ડ

અટલ સમાચાર,ડેસ્ક

કોરોના મહામારી વચ્ચે ઈદનાં પ્રસંગે ફરજ પર ન આવેલા પોલીસકર્મીઓ સામે દિલ્હી પોલીસે મોટી કાર્યવાહી કરી છે. દિલ્હી પોલીસની મહિલા ડીસીપીએ ઈદ પર ફરજ પર ન હોય તેવા 36 પોલીસ કર્મચારીઓને સસ્પેન્ડ કરી દીધા છે. આ કાર્યવાહી ઉત્તર પશ્ચિમ જિલ્લા પોલીસ દ્વારા કરવામાં આવી છે. જાણવા મળ્યું છે કે રાજધાનીનાં ઉત્તર પશ્ચિમ જિલ્લાનાં ડીસીપી વિજયંતા આર્યાએ શનિવારે ઈદ-ઉલ-અઝહા નિમિત્તે ફરજ પર ન આવેલા એવા 36 પોલીસ કર્મચારીઓને સસ્પેન્ડ કર્યા છે. સસ્પેન્ડ પોલીસ કર્મચારીઓની પોસ્ટ હજી ઉપલબ્ધ નથી.

અટલ સમાચાર આપના મોબાઇલમાં મેળવવા અહિં ક્લિક કરો

ઈદનો તહેવાર દિલ્હી સહિત દેશમાં ખૂબ જ ઉત્સાહથી ઉજવવામાં આવી રહ્યો છે. કોરોના સમયગાળા દરમિયાન તહેવારને ધ્યાનમાં રાખીને , દિલ્હીમાં સુરક્ષાનાં કડક બંદોબસ્ત ગોઠવવામાં આવ્યો છે. આ સાથે, વધુ ભીડ ન થાય તે માટે સોશિયલ ડિસ્ટેસિંગને યોગ્ય રીતે સુનિશ્ચિત કરવા માટે સ્થળે પોલીસ પણ ગોઠવવામાં આવી છે. રાષ્ટ્રપતિ રામનાથ કોવિંદે પણ તેમના અભિનંદન સંદેશમાં સોશિયલ ડિસ્ટેસિંગ પર ભાર મૂક્યો હતો.