દુ:ખદ@દેશ: 'અનુપમા' ફેમ એક્ટર નીતિશ પાંડેનું નિધન, 51 વર્ષની ઉંમરે આજે લીધા અંતિમ શ્વાસ
અટલ સમાચાર ડોટ કોમ, ડેસ્ક
ગઈકાલે 23મી મેના રોજ રાત્રે હાર્ટ એટેકથી તેમનું મૃત્યુ થયું હતું. એક્ટરની ઉંમર 51 વર્ષની હતી. તે હવે આપણી વચ્ચે નથી રહ્યાં. તેમની અચાનક વિદાયથી ફેન્સ શોકમાં ડૂબી ગયા છે. અગાઉ 'સારાભાઈ વર્સેસ સારાભાઈ' એક્ટ્રેસ વૈભવી ઉપાધ્યાયના નિધનના સમાચારથી ઈન્ડસ્ટ્રી શોકમાં ડૂબી ગઇ હતી અને હવે નીતીશ પાંડેના નિધનથી લોકોને આઘાત લાગ્યો છે.
લેખક સિદ્ધાર્થ નાગરે સમાચારની પુષ્ટિ કરી. તેણે સૌથી પહેલા ફેસબુક પર પોસ્ટ કરીને આ વિશે માહિતી આપી હતી. તેમણે એક ઇન્ટરવ્યુમાં કહ્યું કે આ સમાચાર સાચા છે. તેઓ એક ઇવેન્ટમાંથી પાછા ફરી રહ્યા હતા જ્યારે તેમને નીતિશ પાંડેના નિધનના સમાચાર મળ્યા. તેણે જણાવ્યું કે નીતીશ શૂટિંગ માટે ઈગતપુર ગયા હતા. ત્યાં રાત્રે દોઢ વાગ્યાની આસપાસ તેમને કાર્ડિયાક અરેસ્ટ આવ્યો હતો. જો કે મૃતદેહ ક્યારે લાવવામાં આવ્યો હતો અને અંતિમ સંસ્કાર ક્યારે કરવામાં આવશે તે અંગે તેઓ વધુ જાણતા નથી.
નીતિશ પાંડે બન્યા હતાં શાહરૂખના આસિસ્ટન્ટ
નીતિશ પાંડેનો જન્મ 17 જાન્યુઆરી 1973ના રોજ થયો હતો. તેણે ફિલ્મો અને ટીવીની દુનિયામાં કામ કર્યું છે. તે ઘણા પોપ્યુલર રહ્યાં છે. ફિલ્મ 'ઓમ શાંતિ ઓમ'માં તે શાહરૂખ ખાનના આસિસ્ટન્ટના રોલમાં જોવા મળ્યા હતા. તે જ સમયે, તે દિશા પરમાર અને નકુલ મહેતા સ્ટારર શો 'પ્યાર કા દર્દ હૈ મીઠા મીઠા પ્યારા પ્યાર' માં પણ મહત્વની ભૂમિકામાં જોવા મળ્યા હતાં.
નીતિશ પાંડે બન્યા હતાં શાહરૂખના આસિસ્ટન્ટ
નીતિશ પાંડેનો જન્મ 17 જાન્યુઆરી 1973ના રોજ થયો હતો. તેણે ફિલ્મો અને ટીવીની દુનિયામાં કામ કર્યું છે. તે ઘણા પોપ્યુલર રહ્યાં છે. ફિલ્મ 'ઓમ શાંતિ ઓમ'માં તે શાહરૂખ ખાનના આસિસ્ટન્ટના રોલમાં જોવા મળ્યા હતા. તે જ સમયે, તે દિશા પરમાર અને નકુલ મહેતા સ્ટારર શો 'પ્યાર કા દર્દ હૈ મીઠા મીઠા પ્યારા પ્યાર' માં પણ મહત્વની ભૂમિકામાં જોવા મળ્યા હતાં.
નીતિશ પાંડેની પત્ની અને ડિવોર્સ
નીતિશ પાંડેની પર્સનલ લાઇફની વાત કરીએ તો તેમણે અશ્વિની કાલેસકર સાથે લગ્ન કર્યા હતા. વર્ષ 1998માં બંનેએ સાત ફેરા લીધા પરંતુ બાદમાં 2002માં બંને અલગ થઈ ગયા. આ પછી તેણે અર્પિતા પાંડે સાથે લગ્ન કર્યા જે ટીવી એક્ટ્રેસ છે.
નીતિશ પાંડેની મૂવીઝ અને ટીવી શો
નીતિશ પાંડેએ વર્ષ 1995થી ટીવીની દુનિયામાં કામ કરવાનું શરૂ કર્યું હતું. તેણે 'તેજસ', 'સાયા', 'મંજીલેં અપની અપની', 'જૂસ્તજૂ', 'હમ લડકિયાં', 'સુનૈના', 'કુછ તો લોગ કહેંગે', 'એક રિશ્તા સાજેદારી કા', 'મહારાજા કી જય હો', 'હીરો-ગાયબ મોડ ઓન' ની સાથે 'અનુપમા'માં ધીરજ કપૂરના રોલમાં જોવા મળ્યા હતા. આ સિવાય તેણે 'બધાઈ દો', 'મદારી', 'દબંગ 2' જેવી ફિલ્મોમાં પણ કામ કર્યું હતું.
