ચૂંટણી@દેશ: લોકસભા ચૂંટણી 2024ની તારીખો 16 માર્ચે જાહેર કરવામાં આવી. જાણો વધુ વિગતે

અટલ સમાચાર ડોટ કોમ, ડેસ્ક 

હવે લોકસભાની ચૂંટણીના થોડાજ દિવસો બાકી રહ્યા છે. લોકસભા ચૂંટણી 2024ની તારીખો આજે શનિવારે 16 માર્ચે જાહેર કરવામાં આવશે. આ પહેલા 15 માર્ચ શુક્રવારના રોજ પીએમ મોદીએ દેશની જનતાને એક પત્ર લખ્યો હતો. પીએમ મોદીએ તેમાં લખ્યું છે કે તમારી અને અમારી એકતા એક દાયકો પૂર્ણ કરવાને આરે છે. 140 કરોડ ભારતીયોનો વિશ્વાસ અને સમર્થન મને પ્રેરણા આપે છે.

મોદીએ લખ્યું- તમારા વિશ્વાસ અને સમર્થનનું પરિણામ છે કે અમે GSTનો અમલ, કલમ 370 હટાવવા, ટ્રિપલ તલાક પર નવો કાયદો, સંસદમાં મહિલાઓની ભાગીદારી વધારવા માટે નારી શક્તિ વંદન કાયદો, નવી સંસદના ઉદઘાટન જેવા ઘણા ઐતિહાસિક અને મોટા નિર્ણયો લીધા. 

ભાજપે લોકસભા ચૂંટણી માટે અત્યાર સુધીમાં 267 ઉમેદવારોના નામ જાહેર કર્યા છે. આમાંથી બે ઉમેદવારો - આસનસોલ સીટ પરથી પવન સિંહ અને બારાબંકીથી ઉપેન્દ્ર રાવતે પોતાના નામ પાછા ખેંચી લીધા છે. પાર્ટીએ 2 માર્ચે પ્રથમ યાદી જાહેર કરી હતી. યાદીમાં 16 રાજ્યો અને બે કેન્દ્રશાસિત પ્રદેશોના 195 ઉમેદવારોના નામ હતા.

પાર્ટીએ 13 માર્ચની સાંજે બીજી યાદી જાહેર કરી. તેમાં 72 નામ હતા. નીતિન ગડકરીને નાગપુરથી, પીયૂષ ગોયલને ઉત્તર મુંબઈથી અને અનુરાગ ઠાકુરને હમીરપુરથી ટિકિટ આપવામાં આવી છે. હરિયાણાના પૂર્વ મુખ્યમંત્રી મનોહર લાલ ખટ્ટર કરનાલથી ચૂંટણી લડશે. ખટ્ટરે 12 માર્ચે સીએમ પદ પરથી રાજીનામું આપી દીધું હતું.