બનાવ@દેશ: વિદ્યાર્થીનું અપહરણ કરીને લોહીલુહાણ હાલતમાં રોડ પર ફેંકી દિધો, કેમ આવું કર્યું ?

અટલ સમાચાર ડોટ કોમ, ડેસ્ક 

દેશમાં અવાર-નવાર કેટલીક ઘટનાઓ સામે આવતી હોય છે. હરિયાણાના ફરીદાબાદમાં કેટલાક બદમાશોએ કથિત રીતે 12મા ધોરણના વિદ્યાર્થીનું અપહરણ કર્યું, તેને ખૂબ માર માર્યો. પોલીસ અધિકારીએ જણાવ્યું કે, પહલાદપુર વળાંક પાસેના પાકા રસ્તા પર વિદ્યાર્થી કિશોર ભરતને લોહીલુહાણ હાલતમાં ફેંકીને બદમાશો ભાગી ગયા હતા. તેણે જણાવ્યું કે માહિતી મળ્યા બાદ પોલીસે તેને બાદશાહ ખાન સિવિલ હોસ્પિટલમાં દાખલ કર્યો.

બલ્લબગઢના સદર પોલીસ સ્ટેશનના પ્રભારી બસંત કુમારે જણાવ્યું કે, 17 વર્ષીય ભરતની આરોપી સાગર સાથે થોડા દિવસો પહેલા ઝઘડો થયો હતો અને જૂની અદાવતના કારણે આજે ભરત પર હુમલો કરવામાં આવ્યો હતો. તેણે જણાવ્યું કે તેની માતાએ આ અંગે ફરિયાદ કરી છે અને ઈજાગ્રસ્તોના નિવેદનના આધારે આગળની કાર્યવાહી કરવામાં આવશે.

આ મામલે પોલીસે કહ્યું કે કડક તપાસ કરવામાં આવી રહી છે.  ગુનામાં સંડોવાયેલા આરોપીઓને છોડવામાં આવશે નહીં. અહેવાલો અનુસાર, પોલીસની ઘણી ટીમો બદમાશોને પકડવાનો પ્રયાસ કરી રહી છે.