વેપાર@મુંબઈ: આજે શેરબજાર તેજી; સેન્સેક્સ 100 પોઈન્ટનાં વધારા સાથે 84,700 પર ટ્રેડ અને નિફ્ટીમાં પણ ઉછાળો

અટલ સમાચાર ડોટ કોમ, ડેસ્ક 

આજે શેરબજારમાં મોટો વધારો જોવા મળી રહ્યો છે.  સેન્સેક્સ 100 પોઈન્ટથી વધુની તેજી સાથે 84,700 પર ટ્રેડ થઈ રહ્યો છે. નિફ્ટી પણ લગભગ 100 પોઈન્ટ વધીને 25,850 પર ટ્રેડ થઈ રહ્યો છે. આજે બેંકિંગ, ઉર્જા અને ઓટો શેરમાં વધારો જોવા મળી રહ્યો છે.

એશિયન બજારોમાં જાપાનનો નિક્કેઈ ઇન્ડેક્સ 0.58% ઘટીને 50,308 પર અને કોરિયાનો કોસ્પી 0.63% ઘટીને 4,109 પર કારોબાર કરી રહ્યા છે.હોંગકોંગનો હેંગસેંગ ઇન્ડેક્સ 0.12% વધીને 25,571 પર અને ચીનનો શાંઘાઈ કમ્પોઝિટ 0.36% ઘટીને 3,886 પર કારોબાર કરી રહ્યા છે. 10 ડિસેમ્બરે અમેરિકાનો ડાઉ જોન્સ 1.05% વધીને 48,057 પર બંધ થયો. જ્યારે, નેસ્ડેક કમ્પોઝિટ 0.33% અને S&P 500 0.67% વધીને બંધ થયા.

ICICI પ્રુડેન્શિયલ એસેટ મેનેજમેન્ટ કંપનીનો IPO આવતીકાલે એટલે કે 12 ડિસેમ્બરે ઓપન થશે. રિટેલ રોકાણકારો તેમાં 16 ડિસેમ્બર સુધી બોલી લગાવી શકશે. કંપની આ ઇશ્યૂ દ્વારા 10,600 કરોડ રૂપિયા એકત્ર કરવા માંગે છે. આ સંપૂર્ણ ઇશ્યૂ ઓફર ફોર સેલ હશે. જેમાં પ્રુડેન્શિયલ કોર્પોરેશન પોતાની 9.9% હિસ્સેદારી વેચી રહી છે.