અટલ સમાચાર ડોટ કોમ, ડેસ્ક 

રાજકારણમા અમુક બાબતોના કારણે ગરમાવો જોવા મળતો હોય છે. લોકસભામાં વિપક્ષના નેતા અને કોંગ્રેસના નેતા રાહુલ ગાંધી આજે સંસદમાં ખેડૂત નેતાઓને મળ્યા હતા. ખેડૂત નેતાઓનું 12 સભ્યોનું પ્રતિનિધિમંડળ સંસદમાં રાહુલની ઓફિસે પહોંચ્યું હતું અને લોકસભાના વિરોધ પક્ષના નેતાને મળ્યું હતું.

બેઠકના થોડા સમય પહેલા રાહુલે ખેડૂતોને સંસદમાં પ્રવેશવા ન દેવાનો આરોપ લગાવ્યો હતો. રાહુલે કહ્યું હતું કે, અમે તેમને (ખેડૂત નેતાઓ)ને અહીં મળવા આમંત્રણ આપ્યું હતું, પરંતુ તેઓ તેને અહીં (સંસદ) આવવા દેતા નથી. કારણ કે તેઓ ખેડૂતો છે, કદાચ તેથી જ તેઓ તેમને અંદર આવવા દેતા નથી.

આ પછી ખેડૂતોને અંદર જવા દેવામાં આવ્યા. એજન્સી અનુસાર, ખેડૂતોનું પ્રતિનિધિમંડળ રાહુલ ગાંધીને પ્રાઈવેટ મેમ્બર બિલ લાવવાનું કહેશે.