રાજકારણ@દેશ: ભાજપના સાંસદ મેધા કુલકર્ણીએ રાજ્યસભામાં વક્ફ બિલ પર JPC રિપોર્ટ રજૂ કર્યો

અટલ સમાચાર ડોટ કોમ, ડેસ્ક 

ભાજપના સાંસદ મેધા કુલકર્ણીએ રાજ્યસભામાં વક્ફ બિલ પર JPC રિપોર્ટ રજૂ કર્યો. આ અંગે વિપક્ષે હોબાળો મચાવ્યો. રાજ્યસભામાં વિપક્ષના નેતા મલ્લિકાર્જુન ખડગેએ કહ્યું કે આ JPC રિપોર્ટ ખોટો છે. આમાં વિપક્ષની અસહમતિઓને ડિલીટ કરવામાં આવી છે. આ ગેરબંધારણીય છે.

AAP સાંસદ સંજય સિંહે કહ્યું- અમે અમારો પક્ષ રજૂ કર્યો. તમે આની સાથે સહમત અથવા અસંમત હોઈ શકો છો, પરંતુ તમે તેને કચરાપેટીમાં કેવી રીતે ફેંકી શકો છો.

JPCએ 30 જાન્યુઆરીએ લોકસભા સ્પીકર ઓમ બિરલાને ડ્રાફ્ટ રિપોર્ટ સુપરત કર્યો હતો. આ રિપોર્ટ 655 પાનાનો છે. 16 સભ્યોએ તેના પક્ષમાં મતદાન કર્યું. જ્યારે 11 સભ્યોએ વિરોધ કર્યો. સમિતિમાં સામેલ વિપક્ષી સાંસદોએ આ બિલનો વિરોધ કર્યો હતો.