રાજકારણ@દેશ: કોંગ્રેસના સાંસદ પ્રિયંકા ગાંધીએ પીએમના ભાષણને કંટાળાજનક ગણાવ્યું

અટલ સમાચાર ડોટ કોમ, ડેસ્ક

બંધારણ પર કેટલાક દિવસથી વિશેષ ચર્ચા ચાલી રહી છે. વડાપ્રધાન નરેન્દ્ર મોદીએ લોકસભામાં બંધારણ પર ચર્ચા કરી હતી. પોતાના ભાષણમાં તેમણે કોંગ્રેસ પર નિશાન સાધ્યું હતું. કોંગ્રેસના સાંસદ પ્રિયંકા ગાંધી વાડ્રાએ પીએમના ભાષણને કંટાળાજનક ગણાવ્યું હતું.

પ્રિયંકાએ કહ્યું, 'પીએમે કંઈ નવું કે ક્રિએટિવ કહ્યું નથી. તેઓનું ભાષણ સાંભળીને અમે કંટાળી ગયા. દાયકાઓ પછી, મને લાગ્યું કે હું શાળામાં ગણિતના ડબલ પિરિયડમાં બેઠી હતી.પ્રિયંકાએ કહ્યું- નડ્ડા જી હાથ ઘસી રહ્યા હતા, જ્યારે પીએમએ તેમને જોયા તો તેઓ એવું કામ કરવા લાગ્યા જાણે સાંભળી રહ્યા હોય, અમિત શાહ જીનું પણ ધ્યાન નહોતું. પાછળ બેઠેલા પીયૂષ ગોયલ જીને એવું લાગી રહ્યું હતું કે તેઓ સૂઈ રહ્યા છે.

ગાંધીએ કહ્યું કે મને લાગ્યું કે પીએમ કંઈક નવું કહેશે, પરંતુ તેમણે 11 ખાલી વચનોની વાત કરી. જો તેઓ ભ્રષ્ટાચાર પ્રત્યે ઝીરો ટોલેરન્સ ધરાવતા હોય તો તેમણે ઓછામાં ઓછી અદાણી પર ચર્ચા કરવી જોઈએ.