રાજકારણ@દેશ: કેન્દ્ર સરકારે નીતિ આયોગની નવી ટીમની જાહેરાત કરી, 15 કેન્દ્રીય મંત્રીઓના નામ સામેલ

અટલ સમાચાર ડોટ કોમ, ડેસ્ક 

કેન્દ્ર સરકારે નીતિ આયોગની નવી ટીમની જાહેરાત કરી છે. તેમાં 15 કેન્દ્રીયમંત્રીઓના નામ સામેલ છે.  ચાર પૂર્ણ-સમયના સભ્યો ઉપરાંત, ભાજપ અને એનડીએના સાથી પક્ષોના 15 કેન્દ્રીય પ્રધાનોને પદાધિકારી સભ્યો અથવા વિશેષ આમંત્રિત તરીકે સામેલ કરવામાં આવ્યા છે.

મંગળવારે મોડી રાત્રે રાષ્ટ્રપતિ ભવન દ્વારા આ સંબંધિત એક સૂચના જારી કરવામાં આવી હતી. વડાપ્રધાન નરેન્દ્ર મોદી કમિશનના અધ્યક્ષ રહેશે અને અર્થશાસ્ત્રી સુમન કે બેરી ઉપાધ્યક્ષ રહેશે. આ ઉપરાંત વૈજ્ઞાનિક વીકે સારસ્વત, કૃષિ અર્થશાસ્ત્રી રમેશ ચંદ, બાળરોગ નિષ્ણાત વીકે પોલ અને મેક્રો-ઈકોનોમિસ્ટ અરવિંદ વિરમાણી પૂર્ણ સમયના સભ્યો રહેશે.

કેન્દ્રીય રક્ષા મંત્રી રાજનાથ સિંહ, ગૃહ મંત્રી અમિત શાહ, કૃષિ મંત્રી શિવરાજ સિંહ ચૌહાણ અને નાણા મંત્રી નિર્મલા સીતારમણ ચાર હોદ્દેદારો હશે. માર્ગ પરિવહન પ્રધાન નીતિન ગડકરી, આરોગ્ય પ્રધાન જેપી નડ્ડા, ભારે ઉદ્યોગ પ્રધાન એચડી કુમારસ્વામી અને MSME પ્રધાન જીતન રામ માંઝીને નીતિ આયોગમાં વિશેષ આમંત્રિત કરવામાં આવ્યા છે.

આ ઉપરાંત ખાસ આમંત્રિતોમાં પંચાયતી રાજ મંત્રી લલ્લન સિંહ, સામાજિક ન્યાય મંત્રી વીરેન્દ્ર કુમાર, નાગરિક ઉડ્ડયન મંત્રી કે રામમોહન નાયડુ, આદિજાતિ બાબતોના મંત્રી જુઅલ ઓરામ, મહિલા અને બાળ કલ્યાણ મંત્રી અન્નપૂર્ણા દેવી, ખાદ્ય પ્રક્રિયા મંત્રી ચિરાગ પાસવાન અને રાજ્ય મંત્રીનો સમાવેશ થાય છે. સ્વતંત્ર પ્રભારી સાથે રાવ ઈન્દ્રજીત સિંહનો સમાવેશ થાય છે.

ગયા વર્ષે આયોગમાં સામેલ કરાયેલા કેન્દ્રીય મંત્રી પીયૂષ ગોયલ અને અનુરાગ ઠાકુરને આ વર્ષે આયોગના સભ્ય બનાવવામાં આવ્યા નથી.

નેશનલ ઇન્સ્ટિટ્યુશન ફોર ટ્રાન્સફોર્મિંગ ઇન્ડિયાને નીતિ આયોગ તરીકે ઓળખવામાં આવે છે. તે ભારત સરકારની એક પોલિસી થિંક ટેન્ક છે, જે સરકારના કાર્યો અને નીતિઓ વિશે માહિતી પ્રદાન કરે છે. આયોજન પંચ દેશના વિકાસને લગતી યોજનાઓ બનાવતું હતું.