અટલ સમાચાર ડોટ કોમ, ડેસ્ક 

રેલવે કર્મચારીઓ માટે સારા સામચાર સામે આવ્યા છે. કેટલાક મહત્વના નિર્ણયો લેવામાં આવ્યા. દિવાળી પહેલા રેલવે કર્મચારીઓને 78 દિવસનું બોનસ મળશે. કેન્દ્રીય કેબિનેટની બેઠકમાં આ નિર્ણય લેવામાં આવ્યો હતો. કેન્દ્રીય રેલવે મંત્રી અશ્વિની વૈષ્ણવે કહ્યું કે સરકારે રેલવે કર્મચારીઓ માટે 2029 કરોડ રૂપિયાના પ્રોડક્ટિવિટી લિંક્ડ બોનસને મંજૂરી આપી છે.

તેમણે કહ્યું કે આ જાહેરાતથી 11,72,240 રેલવે કર્મચારીઓને ફાયદો થશે. સરકારે પ્રધાનમંત્રી-રાષ્ટ્રીય કૃષિ વિકાસ યોજના અને કૃષોન્નતિ યોજનાને પણ મંજૂરી આપી છે. આ માટે 1,01,321 કરોડ રૂપિયાની જોગવાઈ કરવામાં આવી હતી.

કેબિનેટ બેઠકના નિર્ણયો

મરાઠી, પાલી, પ્રાકૃત, આસામી અને બંગાળી ભાષાઓને 'શાસ્ત્રીય ભાષાઓ'નો દરજ્જો આપવામાં આવશે. ચેન્નાઈ મેટ્રોના ફેઝ-2 માટે રૂ. 63,246 કરોડ ફાળવવામાં આવ્યા. પોર્ટના 20,704 કર્મચારીઓ માટે પ્રોડક્ટિવિટી લિંક્ડ બોનસ યોજનાને પણ મંજૂરી આપવામાં આવી છે. રાષ્ટ્રીય ખાદ્ય તેલ મિશન - તેલીબિયાં હેઠળ, તેલીબિયાંના ઉત્પાદનને પ્રોત્સાહન આપવા અને ખાદ્ય તેલમાં આત્મનિર્ભરતા મેળવવા માટે 2024-25 થી 2030-31 સુધી રૂ. 10,103 કરોડ ખર્ચવામાં આવશે.