અટલ સમાચાર ડોટ કોમ, ડેસ્ક 

દેશના ધનિક પરિવારના પુત્રના લગ્ન થઇ ગયા છે. અંબાણી પરિવારના પુત્રના લગ્ન ખુબજ ધૂમધામથી થયા હતા.  12 જુલાઈએ અનંત ને રાધિકાનાં લગ્ન જિયો વર્લ્ડ સેન્ટરમાં થયા. આ લગ્નમાં દેશ-વિદેશના સેલેબ્સ આવ્યા હતા. બોલિવૂડના અનેક સેલેબ્સ જોવા મળ્યા હતા. દીકરાના લગ્નમાં નીતા અંબાણીએ ડાન્સ કર્યો હતો. આ ઉપરાંત અર્જુન કપૂર, રણવીર સિંહ, વરુણ ધવન પણ નાચતા જોવા મળ્યા હતા.

આજે, 13 જુલાઈએ સેલેબ્સ અનંત-રાધિકાને શુભ આશીર્વાદ આપશે. આ વેડિંગ રિસેપ્શનમાં બોલિવૂડ તથા જાણીતા બિઝનેસમેન હાજરી આપશે. વડાપ્રધાન નરેન્દ્ર મોદી રિસેપ્શનમાં નવયુગલને આશીર્વાદ આપવા આવશે.

ફિલ્મ ઈન્ડસ્ટ્રી સાથે જોડાયેલા લોકો પણ રવિવાર, 14મી જુલાઈએ રિસેપ્શનમાં હાજરી આપશે. આ સિવાય રિલાયન્સ અને જિયોના વરિષ્ઠ અધિકારીઓ અને કર્મચારીઓ પણ ભાગ લેશે. 15 જુલાઇના રિસેપ્શન સામાન્ય જનતા માટે આયોજિત કરવામાં આવ્યું છે.