રિપોર્ટ@દેશ: વિદેશ મંત્રી એસ જયશંકર 2 દિવસ પાકિસ્તાનની મુલાકાતે જશે

અટલ સમાચાર ડોટ કોમ, ડેસ્ક 

દેશમાં નેતાઓ અવાર-નવાર વિદેશના પ્રવાસ કરતા હોય છે. વિદેશ મંત્રી એસ જયશંકર 2 દિવસની પાકિસ્તાનની મુલાકાતે જશે. આ દરમિયાન તેઓ રાજધાની ઈસ્લામાબાદમાં શાંઘાઈ કોઓપરેશન ઓર્ગેનાઈઝેશન દેશોની સમિટમાં ભાગ લેશે. ભારત SCO નો સભ્ય દેશ છે.

સમિટનું આયોજન કરી રહેલા પાકિસ્તાને ઓગસ્ટમાં ભારતના વડાપ્રધાન નરેન્દ્ર મોદીને આમંત્રણ મોકલ્યું હતું. જો કે ભારત તરફથી વડાપ્રધાનને બદલે વિદેશ મંત્રી સમિટમાં ભાગ લેશે. જયશંકર ત્યાં 24 કલાકથી ઓછો સમય વિતાવશે. આ પહેલા જયશંકરે કહ્યું હતું કે તેમની પાકિસ્તાન મુલાકાતનો હેતુ માત્ર SCO બેઠકનો છે, બંને દેશો વચ્ચેના સંબંધો પર કોઈ ચર્ચા થશે નહીં.

આ સમિટમાં ભારત ઉપરાંત રશિયા અને ચીન સહિત 8 દેશોના પ્રતિનિધિઓ પણ ભાગ લેશે. આને ધ્યાનમાં રાખીને સુરક્ષાને મજબૂત કરવા ઇસ્લામાબાદમાં લોકડાઉન લાગુ કરવામાં આવ્યું છે. તેમજ સમગ્ર શહેરમાં 3 દિવસ માટે રજા જાહેર કરવામાં આવી છે.