રિપોર્ટ@હરિયાણા: 6 વર્ષની વિદ્યાર્થિનીને વાન ચાલકે કચડી નાખી, જાણો સમગ્ર ઘટના એકજ ક્લિકે

અટલ સમાચાર ડોટ કોમ, ડેસ્ક 

દેશમાં અકસ્માતના બનાવો ખુબજ વધી ગયા છે. રોજ કોઈને કોઈ જગ્યાએથી અકસ્માતના બનાવો સામે  આવતા હોય છે. હરિયાણાના પાણીપતમાં 6 વર્ષની વિદ્યાર્થિનીને વાન ચાલકે કચડી નાખી. જેના કારણે તેનું મોત થયું હતું. આ વાનમાં વિદ્યાર્થિની શાળાએથી પરત ફરી રહી હતી. તેણી તેના પિતા તરફ આગળ વધવા લાગી ત્યારે વાન ચાલકે બેદરકારીપૂર્વક વાનને તેજ ગતિએ હંકારી હતી.

જેના કારણે વિદ્યાર્થિનીને પહેલા ટક્કર લાગી. આ પછી તે નીચે પડી ગઈ. ડ્રાઈવર બાજુનું આગળનું વ્હીલ અને તે જ બાજુથી પાછળનું વ્હીલ તેની ઉપર ફરી વળ્યું. આ ઘટના CCTV કેમેરામાં કેદ થઈ ગઈ હતી. બાળકી તેના પિતાના ખોળામાં જ મૃત્યુ પામી.

વિદ્યાર્થિનીની ઓળખ રુચી તરીકે થઈ છે. તે JMD સ્કૂલ, ફ્લોરા ચોકમાં એલકેજી વર્ગમાં અભ્યાસ કરતી હતી. બીજી તરફ પોલીસે પિતાની ફરિયાદના આધારે આરોપી સામે ગુનો નોંધ્યો છે.