રિપોર્ટ@દેશ: વડાપ્રધાન મોદીએ શેખ હસીનાને રેડ કાર્પેટ પાથરી આવકાર્યા, જાણો વધુ વિગતે

અટલ સમાચાર ડોટ કોમ, ડેસ્ક 

દેશમાં અલગ-અલગ દેશના વડાપ્રધાન પ્રવાસે આવતા હોય છે.  બાંગ્લાદેશના વડાપ્રધાન શેખ હસીનાના ભારત પ્રવાસનો આજે બીજો દિવસ છે. PM મોદીએ આજે (22 જૂન, 2024) શનિવારે રાષ્ટ્રપતિ ભવનમાં તેમનું સ્વાગત કર્યું. આ પછી તેમનું ઔપચારિક સ્વાગત કરવામાં આવ્યું હતું. પીએમ હસીનાએ રાજઘાટ જઈને રાષ્ટ્રપિતા મહાત્મા ગાંધીને શ્રદ્ધાંજલિ આપી હતી.

દેશમાં ત્રીજી વખત મોદી સરકાર બન્યા બાદ કોઈ રાજ્યના વડાની ભારતની આ પ્રથમ મુલાકાત છે. તેમની મુલાકાત દરમિયાન વડાપ્રધાન શેખ હસીના, પીએમ નરેન્દ્ર મોદી ઉપરાંત તેઓ રાષ્ટ્રપતિ દ્રૌપદી મુર્મુ અને ઉપરાષ્ટ્રપતિ જગદીપ ધનખરને પણ મળશે.

શેખ હસીના જુલાઈમાં ચીનના પ્રવાસે જવાના છે, પરંતુ તે પહેલા તેઓ ભારતની સરકારી મુલાકાતે આવી ચૂક્યા છે. છેલ્લા 15 દિવસમાં આ બીજી વખત છે જ્યારે શેખ હસીના ભારતની મુલાકાતે છે. આ પહેલા તે 9 જૂને પીએમ મોદીના શપથ ગ્રહણ સમારોહ માટે નવી દિલ્હી આવી હતી. ભારતની 'નેબર ફર્સ્ટ' નીતિ હેઠળ બાંગ્લાદેશ મહત્વપૂર્ણ ભાગીદાર છે.