રિપોર્ટ@લખનૌ: ગણેશ પૂજા પંડાલ પર પથ્થરમારો, રોષે ભરાયેલા ટોળાએ પોલીસ સ્ટેશનનો ઘેરાવ કર્યો

અટલ સમાચાર ડોટ કોમ, ડેસ્ક 

દેશમાં અવાર-નવાર કેટલીક ઘટનાઓ સામે આવતી હોય છે. ​​​​​​યુપીના લખનૌમાં ગણેશ પૂજા પંડાલ પર કેટલાક યુવાનોએ પથ્થરમારો કર્યો હતો. આરતી સમયે 20-25 જેટલા યુવાનો આવ્યા હતા. થોડી જ વારમાં તેમણે પથ્થરમારો કરવાનું શરૂ કર્યું. પથ્થરમારો કરવાને કારણે ભગવાન ગણેશનો કળશ તૂટી ગયો હતો.

જાનથી મારી નાખવાની ધમકી આપતા આરોપીઓ નાસી ગયા હતા. આ પછી રોષે ભરાયેલા ટોળાએ ચિનહાટ પોલીસ સ્ટેશનને ઘેરી લીધું હતું. લોકોએ ભારે હોબાળો મચાવ્યો હતો. અધિકારીઓએ મુશ્કેલીથી ભીડને શાંત કરી સ્થિતિ પર કાબુ મેળવ્યો હતો.

હાલ પોલીસે એક યુવકની અટકાયત કરી છે. સમગ્ર મામલો લખનૌના ચિનહાટ વિસ્તારનો છે. ગંગા વિહાર કોલોનીમાં રહેતા કિરણ ચૌરસિયા ઘણા વર્ષોથી ગણેશ ચતુર્થી પર ગણેશ મૂર્તિની સ્થાપના કરે છે. તેમનો આરોપ છે કે 7 સપ્ટેમ્બરે તેમણે પોતાના ઘરે ગણેશ પંડાલ લગાવ્યો હતો. બીજા દિવસે એટલે કે 8મી સપ્ટેમ્બરે આ વિસ્તારમાં રહેતા મુસ્લિમ યુવકો આરતીના સમયે આવ્યા હતા. તેમણે પૂજામાં વિક્ષેપ પાડવાનો પ્રયાસ કર્યો હતો. આરોપીઓએ અલ્લાહ હુ અકબરના નારા લગાવ્યા હતા. વિરોધ કરશો તો જાનથી મારી નાખવાની ધમકી આપી હતી.

કિરણે જણાવ્યું - મંગળવારે સાંજે 7.30 વાગ્યે તે પોતાના પરિવાર અને પડોશીઓ સાથે ગણેશ પૂજા કરી રહી હતી ત્યારે 20-25 મુસ્લિમ યુવકો આવ્યા. પ્રતિમા તોડવાના પ્રયાસ કરવા લાગ્યા. જ્યારે તેમને ના પાડવામાં આવી તો તેમણે પથ્થરમારો કર્યો. ઈંટ સાથે અથડાવાને કારણે કળશ તૂટી ગયો હતો. જાનથી મારી નાખવાની ધમકી આપતા આરોપી નાસી ગયા હતા.

અહીં પંડાલમાં પથ્થરમારાની માહિતી મળતાં જ આસપાસના લોકો એકઠા થઈ ગયા હતા. રોષે ભરાયેલા ટોળાએ હોબાળો મચાવવાનું શરૂ કરી દીધું હતું. પોલીસે લોકોને શાંત પાડવાનો પ્રયાસ કર્યો હતો. લોકોએ આરોપીઓ સામે કાર્યવાહી કરવાની માંગ કરી હતી. આ પછી ભીડે ચિનહાટ પોલીસ સ્ટેશનને ઘેરી લીધું અને સૂત્રોચ્ચાર કરવા લાગ્યા. હંગામાની માહિતી મળતા જ પોલીસ અધિકારીઓ ઘટના સ્થળે પહોંચી ગયા હતા. તેમણે કાર્યવાહીની ખાતરી આપીને ભીડને શાંત કરી હતી.

કિરણના પતિ પ્રદીપ કહે છે- મંગળવારે અમારી શેરીમાં આવેલા હનુમાન મંદિરમાં ભંડારો હતો. હું મંદિરે ગયો. ઘરમાં પત્ની અને બાળકો હતા, પછી 20-25 લોકો આવ્યા. તેમણે 'અલ્લાહ હુ અકબર'ના નારા લગાવ્યા અને પંડાલ પર પથ્થરમારો કર્યો. પૂજામાં વિક્ષેપ પાડ્યો. જો અમે અમારા ઘરે ભગવાનની પૂજા કરી શકીએ નથી, તો પછી અમે પૂજા કરવા ક્યાં જઈએ? પથ્થરમારો કરનારાઓ સામે કડક કાર્યવાહી થવી જોઈએ.

DCP શશાંક સિંહે કહ્યું- ગંગા વિહાર કોલોનીના કિરણ ચૌરસિયાએ પોલીસ સ્ટેશનમાં ફરિયાદ કરી. તેમણે કહ્યું- કેટલાક યુવકોએ તેમની ગણેશ પૂજામાં વિક્ષેપ પાડવાનો પ્રયાસ કર્યો હતો. ઘટનાની જાણ થતા અધિકારીઓ ઘટના સ્થળે દોડી ગયા હતા.

તેમણે કહ્યું- કેસ નોંધવામાં આવ્યો છે. સ્થળ પર શાંતિ છે. હાલમાં કોઈપણ પ્રકારનો હોબાળો નથી. પ્રાથમિક તપાસમાં એક ખાસ સમુદાયના લોકોએ આ ઘટનાને અંજામ આપ્યો હોવાનું સામે આવ્યું છે. આરોપીઓ સામે કડક કાર્યવાહી કરવામાં આવશે