રિપોર્ટ@દેશ: કેન્દ્રીય ગૃહમંત્રી અમિત શાહ મહાકુંભ પહોંચ્યા અને 3 પેઢી સાથે કુંભ સ્નાન કર્યું.

અટલ સમાચાર ડોટ કોમ, ડેસ્ક 

હાલમાં મહાકુંભનો મેળો ચાલી રહ્યો છે. અત્યાર સુધીમાં કરોડો લોકો આ મેળામાં પહોચ્યા હતા. કેન્દ્રીય ગૃહમંત્રી અમિત શાહ સોમવારે મહાકુંભ પહોંચ્યા અને ત્રણ પેઢી સાથે કુંભ સ્નાન કર્યું. તેમની સાથે સીએમ યોગી, જૂના અખાડાના મહામંડલેશ્વર અવધેશાનંદ ગિરિ અને યોગ ગુરુ બાબા રામદેવે પણ સંગમમાં સ્નાન કર્યું. યોગી અને સંતોએ શાહ પર પાણી રેડ્યું.

અમિત શાહે લગભગ 10 મિનિટ સુધી સંગમ સ્નાન કર્યું. આ પછી શાહે પરિવાર સાથે સંગમ ખાતે પૂજા કરી હતી. હવે શાહ અક્ષયવટ જશે. ત્યારબાદ સંતો સાથે મુલાકાત થશે અને ભોજન પણ કરશે. શાહ લગભગ 5 કલાક સુધી મહાકુંભમાં રહેશે. શાહની સાથે તેમના પુત્ર જય શાહ પણ પરિવાર સાથે છે.

શાહનું વિમાન બામરૌલી એરપોર્ટ પર ઊતર્યું. સીએમ યોગી અને બંને ડેપ્યુટી સીએમ કેશવ મૌર્ય અને બ્રજેશ પાઠકે તેમનું સ્વાગત કર્યું. ત્યાંથી શાહ BSF હેલિકોપ્ટર દ્વારા દિલ્હી પબ્લિક સ્કૂલ પહોંચ્યા. પછી કાર દ્વારા અરૈલ ઘાટ ગયા. સ્ટીમર દ્વારા VIP ઘાટ પહોંચ્યા. આ દરમિયાન સીએમ યોગી અને સંતો પણ તેમની સાથે હતા. શાહે પક્ષીઓને દાણા ખવડાવ્યા.