રિપોર્ટ@દેશ: કેન્દ્ર સરકારના કર્મચારીઓ માટે મોંઘવારી ભથ્થામાં 2%નો વધારો કરવાની મંજૂરી આપી

અટલ સમાચાર ડોટ કોમ, ડેસ્ક 

કેન્દ્રીય મંત્રીમંડળે કેન્દ્ર સરકારના કર્મચારીઓ માટે મોંઘવારી ભથ્થામાં 2%નો વધારો કરવાની મંજૂરી આપી. કેન્દ્રીય મંત્રીમંડળની બેઠકમાં સરકારે આ મોટો નિર્ણય લીધો છે. કેન્દ્રીય કર્મચારીઓ અને પેન્શનરોના મોંઘવારી ભથ્થા અને પેન્શનરોના મોંઘવારી રાહત 53 ટકાથી વધીને 55 ટકા થશે. આ વધારો 7મા પગાર પંચ હેઠળ કરવામાં આવ્યો છે.

છેલ્લો વધારો જુલાઈ 2024માં થયો હતો, જ્યારે મોંઘવારી ભથ્થું 50 ટકાથી વધારીને 53 ટકા કરવામાં આવ્યું હતું. હવે 2 ટકાનો વધારો કરવામાં આવ્યો છે, ત્યારે કર્મચારીઓના મૂળ પગારમાં 2 ટકા વધારાનો મોંઘવારી ભથ્થું ઉમેરવામાં આવશે.

આ વધારો 1 જાન્યુઆરી, 2025થી અમલી માનવામાં આવશે. મોંઘવારી ભથ્થામાં વધારાથી કરોડો કર્મચારીઓ અને પેન્શનરોને ફાયદો થશે.