રિપોર્ટ@દેશ: રાજસ્થાનમાં તાપમાન 40°C થી વધુ રહ્યુ,જમ્મુ-કાશ્મીર, હિમાચલ, ઉત્તરાખંડમાં વરસાદ-બરફવર્ષાની સંભાવના

અટલ સમાચાર ડોટ કોમ, ડેસ્ક 

માર્ચ મહિનાની શરૂઆતમાં જ  મધ્ય પ્રદેશ, રાજસ્થાન, ઉત્તર પ્રદેશ, બિહાર, હરિયાણા સહિત અન્ય રાજ્યોમાં દિવસનું તાપમાન ઝડપથી વધી રહ્યું છે. રાજસ્થાનમાં તાપમાન 40°C થી વધુ રહ્યું, સૌથી વધુ બાડમેરમાં 40.6°C નોંધાયું. તીવ્ર ગરમીની સાથે 2 જિલ્લામાં હીટવેવ અને 19 જિલ્લામાં કરા પડવાનું એલર્ટ છે.

મધ્ય પ્રદેશમાં માર્ચના બીજા અઠવાડિયાથી જ તીવ્ર ગરમી શરૂ થઈ ગઈ છે. ગ્વાલિયર-ચંબલમાં તાપમાન સામાન્ય કરતાં 6°C થી વધુ રહ્યું. હવામાન વિભાગ મુજબ 15 માર્ચ પછી ગરમી વધુ વધશે. મંગળવારે ધારમાં પારો સૌથી વધુ 39°C નોંધાયો. બાકીના શહેરોમાં 34°C થી વધુ રહ્યું.

બિહારમાં આજે 8 જિલ્લામાં વરસાદનું યલો એલર્ટ છે. તેમાં ગોપાલગંજ, બેગુસરાય અને નાલંદાનો સમાવેશ થાય છે. મંગળવારે સૌથી વધુ તાપમાન સુપૌલનું રહ્યું, જે 32.1°C હતું. પટનાનું પણ 32°C રહ્યું.

પહાડી રાજ્યો જમ્મુ-કાશ્મીર, હિમાચલ પ્રદેશ અને ઉત્તરાખંડમાં વરસાદ અને ઊંચાઈવાળા વિસ્તારોમાં હિમવર્ષાનું એલર્ટ છે. ઉત્તરાખંડના દેહરાદૂનમાં દિવસનું તાપમાન 31°C રહ્યું. હવામાન વિભાગ મુજબ આવનારા દિવસોમાં દિવસનું તાપમાન 35°C સુધી જઈ શકે છે.