રિપોર્ટ@દેશ: બાઇકની સામસામે ટક્કરમાં એક યુવકનું મોત, જાણો સમગ્ર દુર્ઘટના

અટલ સમાચાર ડોટ કોમ, ડેસ્ક 

દેશમાં અવાર નવાર અક્સ્માતની ભયાનક દુર્ઘટનાઓ સામે આવતી હોય છે. ફરી એકવાર અકસ્માતની ઘટના સામે આવી છે.સિકરમાં 2 બાઇકની સામસામે ટક્કરમાં એક યુવકનું મોત થયું. તેની જયપુરની ખાનગી હોસ્પિટલમાં સારવાર ચાલી રહી હતી. આ ઘટના સિકરના રીકો ઇન્ડસ્ટ્રિયલ એરિયામાં 6 ફેબ્રુઆરીની સાંજે સાડા સાત વાગ્યે બની હતી.

એક બાઇક પર વસંત વિહાર  નિવાસી આદિત્ય નાયક તેની પરિચિત યુવતી સાથે ઇન્ડસ્ટ્રિયલ એરિયા તરફ જઈ રહ્યો હતો.

આ દરમિયાન સામેથી આવી રહેલી બાઇકે તેમને ટક્કર મારી. આમાં આદિત્ય ઉછળીને રસ્તા પર દૂર જઈને પડ્યો. યુવતી અને અન્ય બાઇક પર સવાર બે લોકો પણ રસ્તા પર પડી ગયા. બીજી બાઇક પર સવાર બંને યુવકો પણ ગંભીર રીતે ઘાયલ થયા હતા. યુવતીને સામાન્ય ઇજાઓ થઈ છે.

આદિત્યને પહેલા સિકરની એસકે હોસ્પિટલમાં લાવવામાં આવ્યો. અહીંથી જયપુર રિફર કરવામાં આવ્યો. પરિવારજનો તેને લઈને જયપુરની નિમ્સ હોસ્પિટલ પહોંચ્યા. 7 ફેબ્રુઆરીની બપોરે લગભગ 2 વાગ્યે આદિત્ય નાયકનું સારવાર દરમિયાન મોત થયું. 8 ફેબ્રુઆરીએ તેના મૃતદેહનું પોસ્ટમોર્ટમ કરાવવામાં આવ્યું.