રિપોર્ટ@દેશ: કોલ્ડવેવના કારણે 8 રાજ્યોમાં તાપમાનમાં ઘટાડો, જાણો વધુ વિગતે

રાજસ્થાનના કરૌલીમાં તાપમાન 1.3 ડિગ્રીએ પહોંચી ગયું છે. સીકર અને ઉદયપુર સહિત અનેક સ્થળોએ વાહનો પર બરફ જામી ગયો છે.
 
મોસમ@ઠંડી: ઉત્તર ગુજરાતમાં ધીમા પગલે ફુલ ગુલાબી ઠંડીની શરૂઆત

અટલ સમાચાર ડોટ કોમ, ડેસ્ક 

હાલમાં શિયાળાની ઋતુ ચાલુ છે. કેટલાક વિસ્તારમાં કડકડતી ઠંડી પડી રહી છે.  કોલ્ડવેવના કારણે દેશના 8 રાજ્યોમાં તાપમાનમાં ઘટાડો યથાવત છે. રાજસ્થાનના કરૌલીમાં તાપમાન 1.3 ડિગ્રીએ પહોંચી ગયું છે. સીકર અને ઉદયપુર સહિત અનેક સ્થળોએ વાહનો પર બરફ જામી ગયો છે. અહીં 4-5 દિવસ સુધી ઠંડી અને કોલ્ડવેવ ચાલુ રહેશે.

બીજી તરફ પંજાબમાં પણ ઠંડીની ઘણી અસર જોવા મળી રહી છે. ફરીદકોટમાં પહેલીવાર રાત્રિનું તાપમાન 0 ડિગ્રીએ પહોંચ્યું હતું. અબોહરમાં પારો ૪૦.૯ ડિગ્રી રહ્યો હતો. હવામાન વિભાગે કહ્યું છે કે પંજાબના સરેરાશ દિવસના તાપમાનમાં અડધા ડિગ્રીનો ઘટાડો થયો છે.

કોલ્ડવેવના કારણે જમ્મુ-કાશ્મીરના ઘણા ભાગોમાં પારો માઈનસથી નીચે ગગડ્યો છે. શ્રીનગરના દાલ સરોવર સહિત અનેક જળાશયો બરફ થવા લાગ્યા છે. બારામુલ્લા જિલ્લાના તંગમાર્ગમાં 30 મીટર ઊંચો દ્રંગ ધોધ ઠંડીના કારણે થીજી ગયો છે.

કાશ્મીરના શ્રીનગર અને ગુલમર્ગ જેવા દેશના 35 સૌથી ઠંડા શહેરોમાં મધ્યપ્રદેશના 10 શહેરોનો પણ સમાવેશ થાય છે. આમાં પચમઢી 11મા સ્થાને છે. અહીં તાપમાન 1.6 ડિગ્રીએ પહોંચી ગયું છે. ભોપાલમાં લઘુત્તમ તાપમાન 4 ડિગ્રી નોંધાયું હતું. અહીં સતત ચોથા દિવસે પણ કોલ્ડવેવ યથાવત રહી હતી, જે એક નવો રેકોર્ડ છે. ડિસેમ્બરમાં સતત 4 દિવસ સુધી કોલ્ડવેવ અગાઉ ક્યારેય જોવા મળી નથી.