રિપોર્ટ@દેશ: વર્ષના વિઝન સાથે મોદી સરકારનું બજેટ રજુ; દેશના દરેક જિલ્લામા એક ગર્લ્સ હોસ્ટેલ બનશે

અટલ સમાચાર ડોટ કોમ, ડેસ્ક 

વર્ષ 2026નું કેન્દ્રીય બજેટ આજે રજૂ થવા જઈ રહ્યું છે. નાણામંત્રી નિર્મલા સીતારમણ સતત 9મી વખત બજેટ રજૂ કરવા જઈ રહ્યા છે.બજેટ રજૂ કરતા તેમણે કહ્યું કે આગામી નાણાકીય વર્ષનું આ બજેટ 'યુવાશક્તિ'થી પ્રેરિત છે અને ત્રણ કર્તવ્યો પર આધારિત છે.

સરકારના આર્થિક રોડમેપની દ્રષ્ટિએ આ બજેટ એક વધુ મોટું પગલું માનવામાં આવી રહ્યું છે. કરદાતાઓ, ઉદ્યોગપતિઓ અને શેરબજારની નજર આવતા વર્ષ માટે થનારી નવી જાહેરાતો પર ટકેલી છે.

બજેટ 2026ની મોટી જાહેરાતો

નવો માલગાડી રસ્તો: પશ્ચિમ બંગાળના ડાનકુની માટે એક નવા ફ્રેટ કોરિડોરની જાહેરાત કરવામાં આવી છે.

ઇન્ફ્રા પર મોટો ખર્ચ: આગામી નાણાકીય વર્ષ  માટે 12.2 લાખ કરોડ રૂપિયાનો કેપેક્સ (મૂડી ખર્ચ) નક્કી કરવામાં આવ્યો છે. જે ગયા વર્ષના 11.2 લાખ કરોડ રૂપિયા કરતા વધારે છે.

રેર અર્થ કોરિડોર: કેરળ, તમિલનાડુ અને ઓડિશામાં દુર્લભ ખનિજો માટે વિશેષ કોરિડોર બનાવવામાં આવશે. જેમાં આંધ્રપ્રદેશને પણ જોડવામાં આવશે જેથી ખનિજ સંપન્ન રાજ્યોને ફાયદો મળે.

ટેક્સટાઇલ સેક્ટર: દેશમાં મોટા ટેક્સટાઇલ પાર્ક્સ બનાવવામાં આવશે.

દવાઓના ક્ષેત્રમાં 'શક્તિ': 10,000 કરોડ રૂપિયાના રોકાણ સાથે 'બાયો-ફાર્મા શક્તિ' યોજના શરૂ થશે, જે અંતર્ગત ત્રણ નવી સંસ્થાઓ ખુલશે.

ચિપ મેન્યુફેક્ચરિંગ: ભારત પોતાનું સેમિકન્ડક્ટર મિશન ISM 2.0 લોન્ચ કરશે.

ઇલેક્ટ્રોનિક્સ પર ભાર: મોબાઇલ અને અન્ય ઇલેક્ટ્રોનિક્સના સ્પેરપાર્ટ્સ બનાવવા માટે બજેટ વધારીને 40,000 કરોડ રૂપિયા કરી દેવામાં આવ્યું છે.

આ 6 મોટા ક્ષેત્રો પર રહેશે સરકારનું ફોકસ

વ્યૂહાત્મક મેન્યુફેક્ચરિંગ: નવા અને જરૂરી ક્ષેત્રોમાં ઉત્પાદનની ક્ષમતા વધારવી.

જૂના ઉદ્યોગો: જૂના પડી ગયેલા ઔદ્યોગિક ક્ષેત્રોને ફરી જીવંત કરવા.

નાના ઉદ્યોગો: નાના અને મધ્યમ ઉદ્યોગોને ગ્લોબલ ચેમ્પિયન બનાવવા.

ઇન્ફ્રાસ્ટ્રક્ચર: રસ્તાઓ, રેલવે અને અન્ય પાયાની સુવિધાઓને જબરદસ્ત મજબૂતી આપવી.

સુરક્ષા અને સ્થિરતા: દેશમાં લાંબા ગાળાની આર્થિક સુરક્ષા સુનિશ્ચિત કરવી.

શહેરોનો વિકાસ: શહેરોને વેપાર અને આર્થિક કેન્દ્ર તરીકે વિકસાવવા.

બજેટના 3 મુખ્ય કર્તવ્ય અને વિઝન

રફ્તાર: પ્રોડક્ટિવિટી વધારીને આર્થિક વિકાસની ગતિને તેજ કરવી.

ક્ષમતા: લોકોની કાબેલિયતને નિખારવી જેથી તેઓ દેશની પ્રગતિમાં ભાગીદાર બને.

સબકા સાથ: દરેક પરિવાર અને ક્ષેત્ર પાસે કમાણીના પૂરતા સંસાધનો અને તકો હોય.

અર્થતંત્ર પર સરકારનું રિપોર્ટ કાર્ડ

આત્મનિર્ભરતા: ભારતે પોતાની મેન્યુફેક્ચરિંગ અને ઉર્જા સુરક્ષા વધારી છે, જેનાથી વિદેશથી સામાન મંગાવવાની નિર્ભરતા ઘટી છે.

ગ્રોથ રેટ: પાછલા સુધારાઓને કારણે ભારત 7%નો વિકાસ દર હાંસલ કરી રહ્યું છે, જેનાથી ગરીબી ઘટાડવામાં મદદ મળી છે.

12 વર્ષની સફર: નાણામંત્રીએ જણાવ્યું કે છેલ્લા 12 વર્ષોમાં ભારતનું અર્થતંત્ર સ્થિર રહ્યું છે અને મોંઘવારી નિયંત્રણમાં છે.

વૈશ્વિક પડકારો: દુનિયામાં ટ્રેડ અને સપ્લાય ચેઈનમાં મુશ્કેલીઓ આવી રહી છે, પરંતુ ભારત 'વિકસિત ભારત' તરફ ડગલાં માંડતું રહેશે.