રીપોર્ટ@દેશ: અતિક અહેમદની હત્યા કોણે કરાવી હતી ?પોતાના સગાનું નામ આવ્યું સામે

અટલ સમાચાર ડોટ કોમ, ડેસ્ક

પોલીસ અતીક અને અશરફ સાથે સંબંધ ધરાવતા દરેક વ્યક્તિની તપાસ કરી રહી છે. તેમાં ઘણા ગુનેગારો, ઉદ્યોગપતિઓ, રાજકારણીઓ, વ્હાઇટ કોલર અને ફાઇનાન્સરોનો સમાવેશ થાય છે. ઈમરાન, જે એક સમયે અતિકની ખૂબ નજીક હતો અને ગુનામાં ભાગીદાર હતો, તે તેમાંથી એક છે.

વાસ્તવમાં, ઈમરાન આતિક અહેમદનો સાઢુ છે, જે પહેલા આતિક સાથે નજીકથી કામ કરતો હતો પરંતુ અણબનાવ થતાં તે આતિકથી અલગ થઈ ગયો હતો. જો કે આ મામલામાં મોટી વાત એ છે કે, અતિક અહેમદનો પુત્ર અલી જે મામલામાં જેલમાં બંધ છે, તેની FIR પણ ઇમરાનના ભાઈ જીશાને કરવી હતી.

હાલમાં જ અતીક અહેમદના પુત્ર અસદ અને બિલ્ડર મોહમ્મદ મુસ્લિમનો એક ઓડિયો વાયરલ થયો હતો, જેમાં આ જ ઈમરાનનો વારંવાર ઉલ્લેખ કરવામાં આવી રહ્યો હતો.

કહેવામાં આવી રહ્યું છે કે મોહમ્મદ મુસ્લિમ અને ઈમરાનની મુલાકાતથી અતીકનો પુત્ર અસદ અહેમદ ઘણો નારાજ થઈ રહ્યો હતો. ભૂતકાળમાં યોગી સરકારે આ ગુનેગાર ઈમરાનનું ઘર પણ તોડી પાડ્યું હતું. સગા સાઢુ ભાઈ તેમજ જૂના પાર્ટનર હોવા છતાં અતીક અહેમદ ઈમરાનને બિલકુલ પસંદ કરતો ન હતો.

હવે યુપી એસટીએફ તપાસ કરી રહી છે કે અતીક અને અશરફની હત્યા પહેલા ઈમરાન અને મોહમ્મદ મુસ્લિમ સતત કેમ મળતા હતા. શું અતીકના બંને દુશ્મનોએ મળીને અતીક અને અશરફને ઠેકાણે પાડી દીધા છે?

માફિયા અતીક અહેમદના હિસ્ટ્રીશીટર સાઢુ ઇમરાન અને તેના સાગરીતોની સપનાઓનું શહેર અહેમદ સિટી અને અલીના સિટી બન્યા પહેલાજ ઉજાડી દીધું હતું. અહેમદ સિટીને ત્રણસો વીઘામાં વસાવવા માટે કરાયેલા કાવતરાં સીએમ યોગીના બુલડોઝર દ્વારા તોડી પાડવામાં આવ્યું હતું.બાઉન્ડ્રી વોલ તોડવાની સાથે જેસીબી વડે માર્ગો ઉખાડી નાખવામાં આવ્યા હતા. ઈમરાન સામે હત્યા, ખંડણી સહિતના એક ડઝનથી વધુ કેસ નોંધાયેલા છે. ઉમેશ પાલ હત્યા કેસ બાદ માફિયા ગેંગ સામે ડિમોલિશનની આ પાંચમી કાર્યવાહી હતી.