રિપોર્ટ@દેશ: ઈન્ડિગોની ફ્લાઈટનું ઈમરજન્સી લેન્ડિંગ, જાણો વધુ વિગતે

અટલ સમાચાર ડોટ કોમ, ડેસ્ક 

છત્તીસગઢની રાજધાની રાયપુરમાં ઈન્ડિગોની ફ્લાઈટનું ઈમરજન્સી લેન્ડિંગ કરવામાં આવ્યું હતું. નાગપુરથી કોલકાતા જઈ રહેલી ફ્લાઈટમાં બોમ્બ હોવાની માહિતી મળી હતી, જે બાદ સાવચેતીના ભાગરૂપે રાયપુરમાં ઈમરજન્સી લેન્ડિંગ કરવામાં આવ્યું હતું.

માહિતી મળતાની સાથે જ એરપોર્ટ પર સઘન સુરક્ષા કરવામાં આવી હતી અને બોમ્બ ડિસ્પોઝલ સ્કવોડને બોલાવવામાં આવી હતી. મુસાફરોને સલામત રીતે બહાર કાઢવામાં આવ્યા હતા અને વિમાનને તાત્કાલિક ખાલી કરવામાં આવ્યું હતું. તમામ મુસાફરો સુરક્ષિત છે. જો કે, થોડા સમય માટે રાયપુર એરપોર્ટ પર ફ્લાઈટને અસર થઈ હતી. વિમાનની તપાસ કરવામાં આવી રહી છે.

માહિતી આપતા રાયપુરના એડિશનલ સુપરિન્ટેન્ડેન્ટ ઓફ પોલીસ કિર્તન રાઠોડે જણાવ્યું કે નાગપુરથી કોલકાતા જઈ રહેલા પ્લેનને બોમ્બની ધમકી બાદ રાયપુર એરપોર્ટ પર ઈમરજન્સી લેન્ડિંગ કરાવવું પડ્યું.એરપોર્ટ પર પ્લેનની તપાસ કરવામાં આવી રહી છે. તપાસ બાદ ફ્લાઇટને રાયપુર એરપોર્ટથી રવાના કરવામાં આવશે. હાલમાં, બોમ્બ વિશેની માહિતી કયા માધ્યમથી મળી હતી તે અંગે સત્તાવાર પુષ્ટિ હજુ સુધી સામે આવી નથી.