રિપોર્ટ@દેશ: સીએમ સિદ્ધારમૈયાની 300 કરોડ રૂપિયાની સ્થાવર મિલકતો જપ્ત

અટલ સમાચાર ડોટ કોમ, ડેસ્ક 

કર્ણાટકના સીએમ સિદ્ધારમૈયાની મિલકત જપ્ત કરવામાં આવી હતી. સીએમ સિદ્ધારમૈયાની 300 કરોડ રૂપિયાની સ્થાવર મિલકતો જપ્ત કરવામાં આવી છે. એજન્સીએ કુલ 142 મિલકતો જપ્ત કરી છે. મૈસુર અર્બન ડેવલપમેન્ટ ઓથોરિટી સંબંધિત મની લોન્ડરિંગ કેસમાં આ કાર્યવાહી કરવામાં આવી છે.

ED દ્વારા જારી કરવામાં આવેલા નિવેદનમાં કહેવામાં આવ્યું છે કે, 'જપ્ત કરવામાં આવેલી મિલકતો અલગ-અલગ લોકોના નામે નોંધાયેલી છે. આ લોકો રિયલ એસ્ટેટ બિઝનેસમેન અને એજન્ટ તરીકે કામ કરી રહ્યા છે.

MUDA પર 2022માં સિદ્ધારમૈયાની પત્ની પાર્વતીને મૈસૂરના પોશ વિસ્તારમાં 14 જગ્યાઓ 3,24,700 રૂપિયામાં મૈસુરના કસાબા હોબલીના કસારે ગામમાં 3.16 એકર જમીનના બદલામાં ફાળવવાનો આરોપ છે. આ સ્થળોની કિંમત પાર્વતીની જમીન કરતાં ઘણી વધારે હતી.

3.16 એકર જમીન પર પાર્વતીનો કોઈ કાનૂની અધિકાર નહોતો. આ જમીન પાર્વતીના ભાઈ મલ્લિકાર્જુનને 2010માં ભેટમાં આપવામાં આવી હતી. MUDAએ આ જમીન સંપાદિત કર્યા વિના જ દેવાનુર સ્ટેજ 3 લેઆઉટ વિકસાવ્યો હતો.