રમત@ક્રિકેટ: ICC T-20 વર્લ્ડ કપ 2024ની 10મી સુપર-8 મેચમાં સાઉથ આફ્રિકાએ વેસ્ટ ઈન્ડિઝને 3 વિકેટે હરાવ્યું

અટલ સમાચાર ડોટ કોમ, ડેસ્ક 

ક્રિકેટમાં કોઈક ટીમની જીત થાય છે, અને કોઈક ટીમની હાર થાય છે. લોકોને ક્રિકેટ મેચ ખુબજ ગમે છે.  ICC T-20 વર્લ્ડ કપ 2024ની 10મી સુપર-8 મેચમાં સાઉથ આફ્રિકાએ વેસ્ટ ઈન્ડિઝને 3 વિકેટે હરાવ્યું છે. આ મેચમાં વેસ્ટ ઈન્ડિઝે સાઉથ આફ્રિકાને 136 રનનો ટાર્ગેટ આપ્યો હતો. જોકે, વરસાદને કારણે ડકવર્થ-લુઈસ નિયમ હેઠળ ત્રણ ઓવર ઘટાડવામાં આવી હતી. ત્યારબાદ સાઉથ આફ્રિકાને 17 ઓવરમાં 123 રનનો રિવાઇઝ્ડ ટાર્ગેટ મળ્યો હતો.

જવાબમાં સાઉથ આફ્રિકાએ 16.1 ઓવરમાં 7 વિકેટ ગુમાવીને ટાર્ગેટ ચેઝ કરી કરી લીધો હતો. આ જીત સાથે જ સાઉથ આફ્રિકા સુપર-8ના ગ્રૂપ-2માં ટોપર રહીને સેમિફાઈનલમાં જગ્યા બનાવી લીધી છે. જ્યારે યજમાન વેસ્ટ ઈન્ડિઝ સેમિફાઈનલમાંથી બહાર થઈ ગઈ છે.