રમત@ક્રિકેટ: કેએલ રાહુલે નેધરલેન્ડ સામેની મેચમાં 64 બોલમાં 102 રનની ઈનિંગ રમી

અટલ સમાચાર ડોટ કોમ, ડેસ્ક

આ વર્લ્ડ કપમાં ભારતની સૌથી ઝડપી સદી છે. આ પહેલા આ રેકોર્ડ રોહિત શર્માના નામે હતો. આ જ વર્લ્ડ કપમાં તેણે અફઘાનિસ્તાન સામેની મેચમાં 63 બોલમાં સદી ફટકારી હતી. 

ટીમ ઈન્ડિયાના સ્ટાર બેટ્સમેન કેએલ રાહુલે વર્લ્ડ કપ-2023માં નેધરલેન્ડ સામેની મેચમાં સદી ફટકારી હતી. રાહુલે 64 બોલમાં 102 રન બનાવ્યા હતા. આ સાથે જ તેણે કેપ્ટન રોહિત શર્માનો રેકોર્ડ તોડ્યો છે. રાહુલ વર્લ્ડ કપમાં ભારત માટે સૌથી ઝડપી સદી ફટકારનાર બેટ્સમેન બની ગયો છે. તેણે 62 બોલમાં પોતાની સદી પૂરી કરી હતી. આ પહેલા રોહિત શર્માએ અફઘાનિસ્તાન સામે 63 બોલમાં સદી ફટકારી હતી.

આ વર્લ્ડ કપમાં કેએલ રાહુલની આ પ્રથમ સદી છે. તેણે ઓસ્ટ્રેલિયા સામે 97 રનની અણનમ ઈનિંગ રમી હતી. રાહુલ સિવાય શ્રેયસ અય્યરે પણ સદી ફટકારી હતી. તે 94 બોલમાં 128 રન બનાવીને અણનમ રહ્યો હતો. 

રાહુલ અને શ્રેયસ અય્યર વચ્ચે ચોથી વિકેટ માટે 208 રનની ભાગીદારી થઈ હતી. વર્લ્ડ કપના ઈતિહાસમાં ચોથી વિકેટ માટે આ સૌથી મોટી ભાગીદારી છે. રાહુલ અને અય્યરની ઈનિંગની મદદથી ટીમ ઈન્ડિયાએ પ્રથમ બેટિંગ કરતા 50 ઓવરમાં 4 વિકેટના નુકસાન પર 410 રન બનાવ્યા હતા. નેધરલેન્ડને મેચ જીતવા માટે 411 રન બનાવવા પડશે.

ભારતીય બેટ્સમેન શાનદાર ફોર્મમાં છે

વર્લ્ડ કપ 2023ના લીગ તબક્કાની આ છેલ્લી મેચ છે. આ સ્પર્ધા માત્ર એક ઔપચારિકતા છે. ટીમ ઈન્ડિયા પહેલાથી જ સેમી ફાઈનલમાં પહોંચી ગઈ છે. તેમના 16 પોઈન્ટ છે અને ટીમ અજેય રહી છે. જો તે આ મેચ જીતશે તો તે સતત 9 જીત નોંધાવીને સેમી ફાઈનલમાં પ્રવેશ કરશે. આ વર્લ્ડ કપમાં ટીમ ઈન્ડિયાના બેટ્સમેન શાનદાર ફોર્મમાં છે.

શ્રેયસ-રાહુલની સદી

આ મેચમાં રાહુલ અને અય્યરે સદી ફટકારી હતી. રોહિતે અફઘાનિસ્તાન સામે સદી ફટકારી હતી. કોહલીએ આ વર્લ્ડ કપમાં બે સદી ફટકારી છે. તેણે આ વર્લ્ડ કપમાં સૌથી વધુ રન પણ પોતાના નામે કર્યા છે. કોહલીએ 9 મેચમાં 594 રન બનાવ્યા છે. જ્યારે રોહિત શર્માના નામે 9 મેચમાં 503 રન છે. અય્યરે 9 મેચમાં 421 રન બનાવ્યા છે અને રાહુલના એટલી જ મેચોમાં 347 રન છે.

વર્લ્ડ કપમાં ભારત માટે સૌથી ઝડપી સદી

કેએલ રાહુલ (62 બોલ) vs નેધરલેન્ડ, 2023 રોહિત શર્મા (63 બોલ) vs અફઘાનિસ્તાન, 2023 વીરેન્દ્ર સેહવાગ (81 બોલ) vs બર્મુડા, 2007 વિરાટ કોહલી (83 બોલ) vs બાંગ્લાદેશ, 2011