ટેક@દેશ: સેમસંગ અને એપલમાં કોણ છે આગળ? ટોપ 5માં ભારતીય સ્માર્ટફોન કંપની છે? સ્વદેશી-વિદેશી જાણો

અટલ સમાચાર ડોટ કોમ, ડેસ્ક

હાલના યુગમાં બધા લોકો સ્માર્ટ ફોને વાપરતા થયા છે.ટેકનોલોજીના વિકાસના કારણે લોકો હાલના યુગમાં મોબાઈલ વાપરી શકે  છે.લોકો ,અલગ-અલગ કંપનીના મોબાઈલ વાપરતા થયા છે. લોકો સેમસંગ,આઈ ફોને,વિવો,ઓપો  આમ અલગ-અલગ કંપનીના મોબાઈલ વાપરતા હોય છે.રિસર્ચ ફર્મ કાઉન્ટરપોઈન્ટના રિપોર્ટ અનુસાર છેલ્લા 8 ક્વાર્ટરથી સતત ઘટાડો જોવા મળી રહ્યો છે. રિપોર્ટમાં જણાવવામાં આવ્યું છે કે 2023ના બીજા ક્વાર્ટર (એપ્રિલ-જૂન)માં સ્માર્ટફોનના વેચાણમાં 8 ટકાનો ઘટાડો થયો છે. જે બાકીના ક્વાર્ટરમાં 5 ટકાના ઘટાડા કરતાં વધુ છે. પરંતુ આ બધાની વચ્ચે પણ એક રાહતના સમાચાર છે, જેમાં કહેવામાં આવ્યું છે કે આ ક્વાર્ટરમાં પ્રીમિયમ સ્માર્ટફોનની માંગમાં વધારો થયો છે.જેના આધારે અહીં અમે તમને ટોપ 5 સ્માર્ટફોન કંપનીઓ વિશે જણાવી રહ્યા છીએ.

સેમસંગ વૈશ્વિક સ્માર્ટફોન માર્કેટમાં નંબર વનનું સ્થાન ધરાવે છે. વિશ્વભરમાં તેની Galaxy A શ્રેણીને કારણે, કંપનીએ વિશ્વના સ્માર્ટફોન માર્કેટમાં 22 ટકાનો મોટો હિસ્સો કબજે કર્યો છે.વૈશ્વિક બજારમાં એપલનો હિસ્સો 20 ટકા છે, જ્યારે ભારતમાં ગયા વર્ષે કંપનીનો હિસ્સો 50 ટકા વધ્યો છે. ભારતમાં એપલનું વધતું બજાર અન્ય સ્માર્ટફોન ઉત્પાદકો માટે માથાનો દુખાવો બની રહ્યું છે.Xiaomi વિશ્વની ત્રીજી સૌથી મોટી સ્માર્ટફોન નિર્માતા કંપની છે. Xiaomi હાલમાં ભારત અને ચીનના માર્કેટમાં સંઘર્ષ કરી રહી છે, પરંતુ કંપની તેના માર્કેટને વધારવા માટે સતત નવા સ્માર્ટફોન લોન્ચ કરી રહી છે. બીજી તરફ કંપની નવા દેશોમાં પણ પોતાનો બિઝનેસ વિસ્તારી રહી છે.ઓપ્પો વૈશ્વિક સ્માર્ટફોન માર્કેટમાં ચોથું સૌથી મોટું પ્લેયર છે. કંપની ભારત અને ચીનમાં સતત વિકાસ કરી રહી છે. તે જ સમયે, યુરોપ અને પશ્ચિમી દેશોમાં કંપનીના વેચાણમાં ઘટાડો થયો છે.Vivo વિશ્વની પાંચમી સૌથી મોટી સ્માર્ટફોન કંપની છે, 2022 ના બીજા ક્વાર્ટરમાં કંપનીએ જોરદાર પ્રદર્શન કર્યું છે. કંપની સેમસંગ અને ઓપ્પોના સ્માર્ટફોનને સતત ટક્કર આપી રહી છે. તે જ સમયે, વિવોને ચીનના બજારમાં નુકસાન થયું છે.