રિપોર્ટ@દેશ: આજે મહાકુંભનો છેલ્લો દિવસ છે, 44 દિવસમાં 65 કરોડ ભક્તોએ સ્નાન કર્યું

અટલ સમાચાર ડોટ કોમ, ડેસ્ક 

આજે મહાકુંભનો છેલ્લો દિવસ છે. 44 દિવસમાં 65 કરોડ ભક્તોએ સ્નાન કર્યું છે.કરોડો લોકો આ મેળામાં પહોચ્યા હતા. આ આંકડો અમેરિકાની વસ્તી કરતા બમણો છે. મહાશિવરાત્રી પર્વ સ્નાનની સાથે જ 45 દિવસ સુધી ચાલનારા મહાકુંભનું સમાપન થઈ જશે.

અભિનેત્રી પ્રીતિ ઝિન્ટાએ પણ મહાકુંભમાં જવાનો એક વીડિયો શેર કર્યો છે. આજે સવારે 10 વાગ્યા સુધીમાં 81.09 લાખ લોકોએ સ્નાન કર્યું છે. મહાશિવરાત્રી પર 3 કરોડ શ્રદ્ધાળુઓ આવવાનો અંદાજ છે. એટલે કે, કુલ આંકડો 66થી 67 કરોડ સુધી પહોંચશે.

સંગમમાં ડૂબકી લગાવનારા લોકોની આ સંખ્યા 193 દેશોની વસ્તી કરતા પણ વધુ છે. ફક્ત ભારત અને ચીનની વસ્તી મહાકુંભમાં આવતા ભક્તોની સંખ્યા કરતાં વધુ છે. યોગી સરકારે દાવો કર્યો હતો કે વિશ્વની અડધી હિન્દુ વસ્તી જેટલા લોકો અહીં આવ્યા છે.

મહાકુંભમાં છેલ્લા સ્નાનને ધ્યાનમાં રાખીને 25 ફેબ્રુઆરીની સાંજથી પ્રયાગરાજ શહેરમાં વાહનોના પ્રવેશ પર પ્રતિબંધ મૂકવામાં આવ્યો છે. મેળાની અંદર પણ વાહનો ચાલી રહ્યા નથી. રાત્રિથી જ સંગમ તરફ જતા રસ્તાઓ પર ભારે ભીડ છે. સંગમ ઘાટ પર સ્નાન કર્યા પછી ભક્તોને ઘાટ ખાલી કરવા માટે કહેવામાં આવી રહ્યું છે જેથી ત્યાં ભીડ ન થાય.

દરમિયાન, ઝારખંડ મુક્તિ મોરચાના રાજ્યસભા સાંસદ મહુઆ માઝી લાતેહાર (ઝારખંડ) માં એક માર્ગ અકસ્માતમાં ઘાયલ થયા હતા. તેમના પુત્ર, પુત્રવધૂ અને ડ્રાઇવરને પણ ઇજાઓ પહોંચી હતી. પરિવાર મહાકુંભથી પરત ફરી રહ્યો હતો