વેપાર@દેશ: ટાટાની આ કંપની, એક જ ઝાટકે 71 હજાર કરોડના રોકાણની કરી જાહેરાત

અટલ સમાચાર ડોટ કોમ, ડેસ્ક 

અંબાણી અને અદાણીની સામે રતન ટાટાની કંપનીએ પોતાની તાકાત બતાવી છે. તામિલનાડુમાં તાજેતરમાં ગ્લોબલ ઈન્વેસ્ટર સમિટ પૂર્ણ થઈ છે. જ્યાં અદાણી અને અંબાણીએ મોટા રોકાણની જાહેરાત કરી છે. પરંતુ રતન ટાટાની એક કંપનીએ અંબાણી અને અદાણીની આખી મજા બગાડી નાખી છે.

શેરબજારમાં આપવામાં આવેલી માહિતી અનુસાર રતન ટાટાની કંપની તમિલનાડુમાં લગભગ 71 હજાર કરોડ રૂપિયાનું રોકાણ કરવા જઈ રહી છે. આ રોકાણ નાનું નથી. ચાલો તમને એ પણ જણાવીએ કે રતન ટાટાની કઈ કંપની તમિલનાડુમાં જંગી રોકાણ કરવા જઈ રહી છે.

ટાટા પાવર રિન્યુએબલ એનર્જી લિમિટેડ (TPREL) તમિલનાડુમાં રિન્યુએબલ એનર્જી પ્રોજેક્ટ્સમાં રૂ. 70,800 કરોડનું રોકાણ કરવાની યોજના બનાવી છે. ટાટા પાવરના એકમ TPRELએ રાજ્યની રિન્યૂએબલ એનર્જી અને દેશની ક્લીન એનર્જી સંક્રમણને વેગ આપવા માટે તમિલનાડુ સરકાર સાથે બે એમઓયુ પર હસ્તાક્ષર કર્યા છે. મંગળવારે શેરબજારોને આ માહિતી આપતા કંપનીએ કહ્યું કે સોમવારે એમઓયુ પર હસ્તાક્ષર કરવામાં આવ્યા હતા

પ્રથમ એમઓયુ હેઠળ, TPREL આગામી પાંચથી સાત વર્ષમાં સોલર, વિંડ, હાઇબ્રિડ (સૌર અને પવન ઉર્જા પ્રોજેક્ટ્સ એક જગ્યાએ) જેવા ક્ષેત્રોમાં 10,000 મેગાવોટના રિન્યૂએબલ એનર્જી પ્રોજેક્ટ્સ વિકસાવવાની તકો શોધશે. આ રિન્યુએબલ એનર્જી પ્રોજેક્ટ્સ તમિલનાડુમાં 50,000 એકર જમીન પર સ્થિત હશે. આમાં લગભગ રૂ. 70,000 કરોડના રોકાણની સંભાવના છે. કંપનીએ કહ્યું કે આ પહેલ લગભગ 3,000 હરિયાળી રોજગારીની તકો ઊભી કરવાની ક્ષમતા છે.

બીજો એમઓયુ તિરુનેલવેલી જિલ્લાના ગંગાઈકોંડન ખાતે બે તબક્કામાં ચાર GW સોલાર સેલ અને સોલાર મોડ્યુલ પ્લાન્ટની સ્થાપના માટે રોકાણ પ્રતિબદ્ધતાને વધારીને રૂ. 3,800 કરોડ કરવાનો છે. 4 જુલાઈ, 2022ના રોજ, કંપનીએ એક એમઓયુ પર હસ્તાક્ષર કર્યા હતા, જેમાં રોકાણનો અંદાજ 3,000 કરોડ રૂપિયા હતો. હવે તેને વધારીને રૂ. 3,800 કરોડ કરવાનો પ્રસ્તાવ છે.

બુધવારે ટાટા પાવરના શેરમાં વધારો જોવા મળી રહ્યો છે. મંગળવારે ટાટા પાવરના શેરમાં નજીવો વધારો થયો હતો. કંપનીનો શેર 0.38 ટકાના ઉછાળા સાથે રૂ. 340.10 પર બંધ થયો હતો. જ્યારે ટ્રેડિંગ સેશન દરમિયાન કંપનીના શેર પણ 344.85 રૂપિયા સુધી પહોંચ્યો હતો.