વેપાર@દેશ: આજે શેરબજારમાં મોટો ઘટાડો; સેન્સેક્સ 700 અંક ઘટીને 78,500 પર ટ્રેડિંગ, જાણો વધુ વિગતે
નિફ્ટીમાં 200 પોઈન્ટનો ઘટાડો છે
Apr 22, 2026, 12:27 IST
અટલ સમાચાર ડોટ કોમ, ડેસ્ક
આજે શેરબજારમાં મોટો ઘટાડો નોંધાયો છે. સેન્સેક્સ 700 પોઈન્ટના ઘટાડા સાથે 78,500 પર કારોબાર કરી રહ્યો છે. નિફ્ટીમાં પણ 200 પોઈન્ટનો ઘટાડો છે, તે 24,400ના સ્તરથી નીચે આવી ગયો છે. આજના કારોબારમાં IT શેરોમાં સૌથી વધુ વેચવાલી જોવા મળી રહી છે.
વિદેશી રોકાણકારોએ મંગળવારે સતત બીજા દિવસે બજારમાંથી પૈસા પાછા ખેંચ્યા અને લગભગ ₹1,919 કરોડના શેર વેચ્યા. આ પહેલા સોમવારે પણ તેમણે ₹1,060 કરોડનું વેચાણ કર્યું હતું. તાજેતરના વેચાણે ગયા અઠવાડિયાના તે ત્રણ દિવસની વૃદ્ધિને સમાપ્ત કરી દીધી છે, જ્યારે તેમણે બજારમાં ₹1,731 કરોડની ચોખ્ખી ખરીદી કરી હતી.
