વેપાર@દેશ: સોના અને ચાંદીના ભાવમાં ફરી ઘટાડો, જાણો કેટલું સસ્તું થયું ?

અટલ સમાચાર ડોટ કોમ, ડેસ્ક 

આજે સોના અને ચાંદીના ભાવમાં ફરી ઘટાડો થયો છે. ઇન્ડિયા બુલિયન એન્ડ જ્વેલર્સ એસોસિએશન અનુસાર, 10 ગ્રામ સોનાનો ભાવ ₹412 ઘટીને ₹1,22,149 થયો છે. અગાઉ, તે ₹1,22,561 પ્રતિ 10 ગ્રામ હતો. અમદાવાદમાં 24 કેરેટ 10 ગ્રામ સોનાનો ભાવ ₹1,24,530 છે.

આ દરમિયાન, ચાંદીનો ભાવ પણ આજે ₹2,738 ઘટીને ₹1,51,375 પ્રતિ કિલોગ્રામ થયો. ગઈકાલે, તે ₹1,54,113 પ્રતિ કિલોગ્રામ હતો. 17 ઓક્ટોબરના રોજ સોનું ₹1,30,874 ઓલ ટાઈમ હાઈ પર પહોંચ્યું હતું, અને 14 ઓક્ટોબરના રોજ ચાંદી ₹1,78,100 ઓલ ટાઈમ હાઈ પર પહોંચી હતી.