દુર્ઘટના@દેશ: જમ્મુ-કાશ્મીરમાં સેનાની ટ્રક ખીણમાં પડી, 2 જવાનોનાં મોત

અટલ સમાચાર ડોટ કોમ, ડેસ્ક 

દેશમાં અકસ્માતની અવાર-નવાર કેટલીક ઘટનાઓ સામે આવતી હોય છે. ફરી એકવાર અકસ્માતની ભયાનક દુર્ઘટના સામે આવી છે. જમ્મુ-કાશ્મીરના બાંદીપોરા જિલ્લામાં શનિવારે બપોરે સેનાની એક ટ્રક ખીણમાં પડી હતી. આ અકસ્માતમાં 2 જવાનોના મોત થયા હતા. 3 જવાનો ગંભીર રીતે ઘાયલ થયા છે. તેમને નજીકની હોસ્પિટલમાં દાખલ કરવામાં આવ્યા છે.

અધિકારીઓએ જણાવ્યું કે આ દુર્ઘટના જિલ્લાના એસકે પાઈન વિસ્તારમાં થઈ હતી. અહીં ટ્રક રસ્તા પરથી લપસીને ખીણમાં પડી હતી. રેસ્ક્યુ ઓપરેશન ચાલુ છે. સેનાના પ્રવક્તા થોડા સમય પછી ઘટનાની વિગતો જાહેર કરી શકે છે.

આ પહેલા 24 ડિસેમ્બરે પૂંછ જિલ્લામાં આર્મી વાન 350 ફૂટ ઊંડી ખીણમાં પડી હતી. વાનમાં 18 સૈનિકો હતા. જેમાંથી 5નાં મોત થયા હતા. અકસ્માતમાં સામેલ તમામ સૈનિકો 11 મરાઠા રેજિમેન્ટના હતા.

સેનાએ કહ્યું કે કાફલામાં 6 વાહનો હતા, જે પૂંછ જિલ્લાની નજીક ઓપરેશનલ ટ્રેક દ્વારા બનોઈ વિસ્તાર તરફ જઈ રહ્યા હતા. દરમિયાન એક વાહનના ચાલકે કાબુ ગુમાવતા વાન ખાડામાં પડી હતી.