દુર્ઘટના@મહારાષ્ટ્ર: પીકઅપ વાહન લોખંડના સળિયાથી ભરેલા આઇશર સાથે અથડાયું, 8 લોકોનાં મોત

જ્યારે 8 લોકો ઘાયલ થયા છે. જેમાંથી કેટલાકની હાલત નાજુક છે. તેમને નજીકની હોસ્પિટલોમાં દાખલ કરવામાં આવ્યા છે.
 
દુર્ઘટના@મહારાષ્ટ્ર: પીકઅપ વાહન લોખંડના સળિયાથી ભરેલા આઇશર વાહન સાથે અથડાયું, 8 લોકોનાં મોત

અટલ સમાચાર ડોટ કોમ, ડેસ્ક 

મહારાષ્ટ્રમાંથી અકસ્માતની ભયાનક દુર્ઘટના સામે આવી હતી. જેમાં 8 લોકોના મોત નીપજ્યા હતા.મહારાષ્ટ્રના નાશિકમાં રવિવારે સાંજે લગભગ 7 વાગ્યે એક પીકઅપ વાહન લોખંડના સળિયાથી ભરેલા આઇશર વાહન સાથે અથડાયું હતું. આ ઘટનામાં પીકઅપમાં મુસાફરી કરી રહેલા 8 લોકોનાં મોત થયા. જ્યારે 8 લોકો ઘાયલ થયા છે. જેમાંથી કેટલાકની હાલત નાજુક છે. તેમને નજીકની હોસ્પિટલોમાં દાખલ કરવામાં આવ્યા છે.

પોલીસના જણાવ્યા અનુસાર, અકસ્માત નાસિક-મુંબઈ-આગ્રા નેશનલ હાઈવે પર થયો હતો. પીકઅપમાં 16 લોકો સવાર હતા. આ તમામ નિફાડમાં આયોજિત ધાર્મિક કાર્યક્રમમાં હાજરી આપીને સિડકો પરત ફરી રહ્યા હતા. પોલીસે જણાવ્યું કે જ્યારે વાહન અયપ્પા મંદિર પાસે પહોંચ્યું ત્યારે પીકઅપ ચાલકે કાબૂ ગુમાવી દીધો. આ પછી પાછળથી લોખંડના સળિયાથી ભરેલા આઇશરમાં ઘુસી ગઈ.

અધિકારીઓના જણાવ્યા અનુસાર, સ્થાનિક લોકો અને પોલીસે ઘાયલોને હોસ્પિટલમાં દાખલ કર્યા છે. કેટલાકની હાલત નાજુક છે. આવી સ્થિતિમાં મૃત્યુઆંક વધી શકે છે.