અપડેટ@દેશ: રશિયા અને યુક્રેન વચ્ચે ચાલી રહેલા યુદ્ધમાં હૈદરાબાદના 1 યુવકનું મોત નીપજ્યું

અટલ સમાચાર ડોટ કોમ, ડેસ્ક 

કેટલાક દેશો વચ્યે  અંદરો- અંદર યુદ્ધ ચાલતા હોય છે. આ યુદ્ધમાં કેટલાક લોકો મોતને ભેટતા હોય છે. હાલમાં રશિયા અને યુક્રેન વચ્યે યુદ્ધ ચાલી રહ્યા છે. રશિયા અને યુક્રેન વચ્ચે ચાલી રહેલા યુદ્ધમાં હૈદરાબાદના એક યુવકનું મોત થયું છે. અધિકારીઓએ બુધવારે આ કેસમાં માહિતી આપી હતી કે 30 વર્ષીય યુવકને નોકરીના નામે એજન્ટ દ્વારા કથિત રીતે છેતરપિંડીથી રશિયન આર્મીમાં ભરતી કરવામાં આવ્યો હતો. તે યુક્રેનમાં ચાલી રહેલા યુદ્ધમાં લડતા મૃત્યુ પામ્યો હતો. છોકરાનો પરિવાર હૈદરાબાદમાં રહે છે. તેઓ પોતાની પાછળ બે માસુમ બાળકો અને પત્નીને એકલા છોડી ગયા છે.

આ યુવક સિવાય તાજેતરમાં એવી માહિતી પણ સામે આવી હતી કે પંજાબના હોશિયારપુરના સાત છોકરાઓ રશિયા વતી યુક્રેનના યુદ્ધમાં ફસાયા છે. તેણે એક વીડિયો જાહેર કર્યો હતો અને મદદ માટે વિનંતી કરી હતી.

મળતી માહિતી મુજબ, રશિયા-યુક્રેન યુદ્ધમાં માર્યા ગયેલા યુવકની ઓળખ મોહમ્મદ અસફાન તરીકે થઈ છે. આ 30 વર્ષીય યુવક હૈદરાબાદનો રહેવાસી છે જે નોકરીની શોધમાં રશિયા ગયો હતો, પરંતુ એજન્ટે તેને છેતરપિંડી કરીને રશિયન સેનામાં સહાયક તરીકે ભરતી કરી હતી. તેમના પરિવારે AIMIMના વડા અને હૈદરાબાદના સાંસદ અસદુદ્દીન ઓવૈસીને રશિયાથી પાછા લાવવામાં મદદ માટે સંપર્ક કર્યો હતો. જો કે, જ્યારે AIMIMએ મોસ્કોમાં ભારતીય દૂતાવાસનો સંપર્ક કર્યો, ત્યારે અધિકારીઓએ પુષ્ટિ કરી કે અસ્ફાનનું મૃત્યુ થયું છે.

માહિતી બહાર આવી છે કે અસફાન, અન્ય ઘણા લોકો સાથે, કપટી એજન્ટો દ્વારા કથિત રીતે ગેરમાર્ગે દોરવામાં આવ્યા હતા. તે મામૂલી નોકરી માટે રશિયા આવ્યો હતો પરંતુ તેને રશિયન આર્મીમાં ભરતી કરવામાં આવ્યો હતો અને ફ્રન્ટલાઈન વર્કર તરીકે લડવા માટે યુક્રેન મોકલવામાં આવ્યો હતો.

નોંધનીય છે કે અફસાનનું મૃત્યુ રશિયામાં ગુજરાતના 23 વર્ષીય ભારતીય યુવકના મૃત્યુના થોડા અઠવાડિયા પછી થયું છે. યુક્રેન સાથે ચાલી રહેલા યુદ્ધ દરમિયાન તેને રશિયન સેના માટે લડવા માટે બળજબરીથી ભરતી પણ કરવામાં આવ્યો હતો. સુરતના શખ્સે ઓનલાઈન જાહેરાત દ્વારા રશિયામાં નોકરી માટે અરજી કરી હતી અને ચેન્નાઈથી મોસ્કો ગયો હતો. પરંતુ નકલી એજન્ટોના પ્રભાવને કારણે તેને રશિયન આર્મીમાં સહાયક તરીકે ભરતી કરવામાં આવ્યો હતો.