અપડેટ@બિહાર: આજે મુખ્યમંત્રી રહેલા નીતિશ કુમાર પોતાના પદ પરથી રાજીનામું આપશે

અટલ સમાચાર ડોટ કોમ, ડેસ્ક 

આજે બિહારમાં નવા CM ચહેરાની જાહેરાત થશે. છેલ્લા 20 વર્ષથી બિહારના મુખ્યમંત્રી રહેલા નીતિશ કુમાર આજે પોતાના પદ પરથી રાજીનામું આપશે. હવે તેઓ રાજ્યસભા સાંસદ બની ચૂક્યા છે.

સવારે 11 વાગ્યે નીતિશના નેતૃત્વમાં કેબિનેટની અંતિમ બેઠક યોજાશે. ત્યારબાદ JDU ધારાસભ્ય દળ અને BJP ધારાસભ્ય દળની બેઠક યોજાશે.

બપોરે 3 વાગ્યે નીતિશ રાજભવન જશે, રાજ્યપાલને પોતાનું રાજીનામું સોંપશે. પછી 4 વાગ્યે NDA ધારાસભ્ય દળની બેઠકમાં નવા મુખ્યમંત્રીના ચહેરા પર મહોર લાગશે.

કેન્દ્રીય મંત્રી શિવરાજ સિંહ ચૌહાણ નવા CMના નામની જાહેરાત કરશે. ભાજપે તેમને પોતાના નિરીક્ષક બનાવ્યા છે. જ્યારે, આવતીકાલે સવારે 11 વાગ્યે રાજભવનમાં નવા મુખ્યમંત્રીનો શપથ ગ્રહણ સમારોહ યોજાશે.