અપડેટ@દેશ: અમેરિકા અને બ્રિટને ભારત વિરુદ્ધ 'ષડયંત્ર'માં સામેલ થવાનો ઈન્કાર કર્યો

અટલ સમાચાર ડોટ કોમ, ડેસ્ક
 

ખાલિસ્તાની આતંકવાદી નિજ્જરની હત્યામાં ભારતનું નામ ખેંચનાર કેનેડાના PM જસ્ટિન ટ્રુડો અમેરિકા અને બ્રિટનને પણ પોતાના 'ષડયંત્ર'નો ભાગ બનાવવા માંગતા હતા.પરંતુ આ પ્રયાસમાં તેમને મોટો આંચકો લાગ્યો અને બંને દેશોએ તેમાં સામેલ થવાનો ઈન્કાર કર્યો છે. અમેરિકન મીડિયા આઉટલેટ વોશિંગ્ટન પોસ્ટે પોતાના એક રિપોર્ટમાં આ દાવો કર્યો છે.

ટ્રુડોએ અમેરિકા અને બ્રિટનને પોતાની તરફેણમાં જીતવા માટે ઘણા પ્રયત્નો કર્યા હતો. કેનેડાના વિદેશ મંત્રી મેલાની જોલીએ પોતે આ વાત સ્વીકારી છે. તેમણે પ્રેસ કોન્ફરન્સમાં કહ્યું હતું કે જસ્ટિન ટ્રુડોએ આ મામલો અમેરિકી રાષ્ટ્રપતિ જો બાઈડેન અને બ્રિટિશ PM ઋષિ સુનક સાથે ઉઠાવ્યો હતો. હવે અમેરિકન અખબારે દાવો કર્યો છે કે ટ્રુડોનો આ પ્રયાસ ખરાબ રીતે નિષ્ફળ ગયો છે. કેનેડાએ અમેરિકા સહિત તેના નજીકના દેશોને આ મામલે ભારતની નિંદા કરવાની અપીલ કરી હતી પરંતુ તેઓએ ના પાડી દીધી હતી.

ભારત, અમેરિકા અને કેનેડા વચ્ચેના સંબંધો પર નજીકથી નજર રાખનાર વિલ્સન સેન્ટરના દક્ષિણ એશિયાના વિશ્લેષક માઈકલ કુગેલમેને અમેરિકાના વલણ પર પોતાનો અભિપ્રાય આપ્યો છે. તેમણે કહ્યું હતું કે, ટ્રુડોની વિચિત્ર હરકતોએ બાઈડેન પ્રશાસનને મૂંઝવણમાં મૂક્યું છે. અમેરિકા આ ​​મુદ્દે કોઈ નિર્ણય લઈ શકતું નથી કારણ કે ભારત અમેરિકાનું વ્યૂહાત્મક ભાગીદાર છે અને અમેરિકાને ચીનને ઘેરવા માટે ભારતની સૌથી વધુ જરૂર છે. જોકે કેનેડા પણ અમેરિકાનો મિત્ર દેશ છે પરંતુ અમેરિકા ભારત સાથે સંબંધો બગાડવા માંગતું નથી.

કેનેડા તરફથી ખાલિસ્તાની આતંકવાદીની હત્યાનો મુદ્દો ઉઠાવ્યા બાદ ઓસ્ટ્રેલિયાને પણ આ મામલે પોતાનું વલણ સ્પષ્ટ કરવાની માંગ કરવામાં આવી રહી છે. પત્રકારોએ ઓસ્ટ્રેલિયાના વડા પ્રધાન એન્થોની અલ્બેનિસને આ બાબતે ટિપ્પણી કરવાની અપીલ કરી હતી. જવાબમાં અલ્બેનીઝે પત્રકારને chill out કરવા કહ્યું હતું.

હાલમાં જ ભારતમાં આયોજિત G-20 કોન્ફરન્સમાં PM મોદીનું જો બાઈડેન સહિત વિશ્વના તમામ નેતાઓ સાથે જબરદસ્ત બોન્ડિંગ જોવા મળ્યું હતું. જો કે, કેનેડાના વડા પ્રધાન જસ્ટિન ટ્રુડો આ વૈશ્વિક ઇવેન્ટમાં એકલા દેખાયા હતા. જસ્ટિન ટ્રુડો પીએમ મોદીને મળ્યા ત્યારે પીએમ મોદીએ કેનેડામાં ચાલી રહેલી ભારત વિરોધી ગતિવિધિઓનો મુદ્દો ઉઠાવ્યો હતો. ખાલિસ્તાની ગતિવિધિઓ પર ભાર મૂકતા પીએમ મોદીએ આ અંગે ઊંડી ચિંતા વ્યક્ત કરી હતી.

જી-20 સંમેલનમાં આ પહેલીવાર નથી બન્યું હતું કે જ્યારે ભારતે કેનેડા સાથે ભારત વિરુદ્ધ ચાલી રહેલા ષડયંત્રનો મુદ્દો ઉઠાવ્યો હોય. આ પહેલા પણ ભારત સરકારે ખાલિસ્તાન તરફી આંદોલન અંગે ચિંતા વ્યક્ત કરી છે. આ વર્ષે પણ ભારતે કેનેડા અને બ્રિટન સહિત ઘણા પશ્ચિમી દેશોને ખાલિસ્તાન સમર્થકો વિરુદ્ધ કાર્યવાહી કરવાની અપીલ કરી હતી.