અપડેટ@દેશ: યુએસ પ્રમુખ જો બિડેને કહ્યું, ભારત-અમેરિકાના મહાત્મા ગાંધીના ભરોસાપાત્ર સિદ્ધાંત પર આધારિત

અટલ સમાચાર ડોટ કોમ, ડેસ્ક

રાષ્ટ્રપતિ બિડેન અને અન્ય G-20 નેતાઓએ રવિવારે નવી દિલ્હીમાં મહાત્મા ગાંધીને તેમના સ્મારક રાજઘાટ ખાતે શ્રદ્ધાંજલિ આપી હતી. જી 20 સમિટમાં હાજરી આપ્યા બાદ સત્તાવાર મુલાકાતે વિયેતનામના હનોઈ પહોંચેલા બિડેનએ તેમના સ્મારક પર મહાત્મા ગાંધીને શ્રદ્ધાંજલિ આપતા પોતાનો અને જી-20 નેતાઓનો ફોટો પણ પોસ્ટ કર્યો હતો.

વડા પ્રધાન નરેન્દ્ર મોદીએ બિડેન અને G-20 નેતાઓનું સ્મારક પર ખાદીની સાલ ઓઠાડી સ્વાગત કર્યું હતું. જેના પર ગાંધીના ગુજરાતના સાબરમતી આશ્રમની તસવીર હતી, જે 1917 થી 1930 સુધી તેમનું ઘર હતું અને ભારતની સ્વતંત્રતાના સંઘર્ષનું મુખ્ય કેન્દ્રોમાંનું એક હતું.

બિડેને પીએમ મોદીની મહેમાનગતિ માટે આભાર માન્યો હતો

વિયેતનામમાં, યુએસ પ્રમુખ જો બિડેને કહ્યું, "G-20માં અમે બહુપક્ષીય વિકાસ, બેંક સુધારણા જેવા મુદ્દાઓ પર પ્રગતિ કરી છે જેથી એવા દેશો સુધી પોહચી શકાય જેઓ ન તો ગરીબ છે અને ન તો અમીર છે." અમે ભારતથી ભૂમધ્ય સમુદ્ર સુધી નવી રેલ્વેલાઈન બનાવવા જઈ રહ્યા છીએ સાથે.શિપિંગ લેન અને પાઇપલાઇન્સ ભૂમધ્ય સમુદ્રમાં યુરોપથી ગ્રેટ બ્રિટન અને તેનાથી આગળ બાંધવામાં આવશે. આ બધું આર્થિક વિકાસ માટે છે. આનો ચીનને નુકસાન પહોંચાડવા અથવા ચીનને મદદ કરવા સાથે કોઈ લેવાદેવા નથી. "તે આબોહવા પરિવર્તનથી લઈને આ દેશો સફળ થઈ શકે છે અને આર્થિક રીતે વિકાસ કરી શકે છે તેની ખાતરી કરવા સુધીનો છે."