અપડેટ@દિલ્હી: INDIA બ્લોકના વિપક્ષી સાંસદો 'સેવ ડેમોક્રેસી માર્ચ' કાઢશે

અટલ સમાચાર ડોટ કોમ, ડેસ્ક 

સ્પેશલ ઇન્ટેન્સિવ રિવિઝનના વિરોધ અને મુખ્ય ચૂંટણી કમિશનર જ્ઞાનેશ કુમારના રાજીનામાની માંગને લઈને 19 વિપક્ષી દળો દિલ્હીમાં ચૂંટણી પંચનો ઘેરાવ કરશે. INDIA બ્લોકના વિપક્ષી સાંસદો દિલ્હીમાં 'સેવ ડેમોક્રેસી માર્ચ' કાઢશે.

સપા પ્રમુખ અખિલેશ યાદવ પણ માર્ચમાં સામેલ થવા માટે દિલ્હી પહોંચી ગયા છે. તેમણે કહ્યું કે ચૂંટણી પંચ ભાજપ માટે કામ કરી રહ્યું છે. મલ્લિકાર્જુન ખડગેએ આરોપ લગાવ્યો કે SIRમાં 13 કરોડ નામ કાપવામાં આવ્યા છે.

વિપક્ષી સાંસદો સંસદથી ચૂંટણી પંચના મુખ્યાલય સુધી લગભગ 3 કિમી પગપાળા જશે. વિપક્ષના માર્ચને કારણે સંસદ માર્ગ, જંતર-મંતર અને ચૂંટણી પંચની બહાર સુરક્ષા વધારી દેવામાં આવી છે. પોલીસ-આરએએફ સહિત મોટી સંખ્યામાં સુરક્ષા દળોની તૈનાતી કરવામાં આવી છે.

આ પહેલાં 11 ઓગસ્ટ 2025ના રોજ INDIA ગઠબંધનના સાંસદોએ સંસદ ભવનથી ચૂંટણી પંચની ઓફિસ સુધી માર્ચ કાઢી હતી. તેમાં રાહુલ ગાંધી, મલ્લિકાર્જુન ખડગે, શરદ પવાર સહિત 25 વિપક્ષી દળો સામેલ થયા હતા.